'അടിമുടി സെക്സാണല്ലോ, ഇതെങ്ങനെ ചിത്രീകരിക്കും?'

എവിഎം 'സി' തിയേറ്ററില്‍ വെച്ച് 'കുറുനിരയോ' ആദ്യം കേട്ടപ്പോള്‍ ഗാനരംഗത്ത് അഭിനയിക്കേണ്ട പ്രേംനസീറിന്റെ ചോദ്യം: 'മുഴുവന്‍ സെക്സാണല്ലോ? ഇതെങ്ങനെ ചിത്രീകരിക്കും?''

നസീറിന് മാത്രമല്ല, മറ്റ് പലര്‍ക്കുമുണ്ടായിരുന്നു അതേ സംശയം. അത്രയും 'ഇറോട്ടിക്' ആയ വരികളല്ലേ എംഡി രാജേന്ദ്രന്‍ എഴുതിവെച്ചിരിക്കുന്നത്. കാക്കനാടന്റെ 'അടിയറ'വിലെ ഉറുമീസിന്റെയും പാര്‍വ്വതീബായിയുടെയും മനസ്സിലെ രതിസങ്കല്പങ്ങള്‍ മുഴുവന്‍ പീലിവിടര്‍ത്തിയാടുന്ന വരികള്‍: 'കാര്‍കുഴലില്‍ കരിവരി വാര്‍കുഴലില്‍, വിരല്‍നഖ നാഗമിഴയും ഊടുവഴികളില്‍, കുന്നുകളില്‍ ശാദ്വല ഭംഗികളില്‍ രതിരസമെന്നുമൊഴുകുമേക മൂര്‍ച്ഛയില്‍, അടിമുടിയൊരു ദാഹം ഉടലുലയും മേളം അസ്ഥികള്‍ക്കുള്ളിലൊരു തീനാളം, തിരിനാളം...'' വരികള്‍ വായിച്ചു കേട്ടപ്പോള്‍ അര്‍ത്ഥഗര്‍ഭമായി ഒന്ന് മൂളി സംവിധായകന്‍ ഭരതന്‍. എന്നിട്ട് പറഞ്ഞു: 'സ്വയം അനുഭവിച്ചറിഞ്ഞ പോലെയാണല്ലോ താന്‍ എഴുതിവെച്ചിരിക്കുന്നത്. മിടുക്കന്‍.'

Content Highlights: The untold story behind the song `Kuruniraayo` from the movie `Parvathy`johnson, ravi menon