പാരന്റ്‌സിന് ഗേള്‍സല്ല, ബോയ്സ് മാത്രം വാഴകളാവുന്നത് എന്തുകൊണ്ട്?

ഹാര്‍ട്ട് ബ്രേക്കിംഗ് ഡിസ്‌കഷനാണ് വണ്ടിക്കുള്ളില്‍ നടക്കുന്നത്. റോഡിലെ ഹെവി ട്രാഫിക്കിനിടയിലൂടെയുള്ള ഡ്രൈവിംഗിനിടയില്‍ എനിക്കാദ്യമൊന്നും കാര്യമായി ശ്രദ്ധിക്കാന്‍ കഴിഞ്ഞില്ല. മുന്‍സീറ്റിലിരുന്ന് പിറകിലെ ചര്‍ച്ചകളില്‍ സജീവമായി പങ്കെടുത്തിരുന്ന ഭാര്യയുടെ ശബ്ദം നേര്‍ത്തുനേര്‍ത്ത് വരികയും അവളുടെ വാദങ്ങള്‍ രോദനങ്ങളായി മാറിത്തുടങ്ങുന്നുവെന്ന് തോന്നുകയും ചെയ്തപ്പോഴാണ് സത്യത്തില്‍ ഞാനത് ശ്രദ്ധിച്ചത്.

വണ്ടിയില്‍ ഒരു വന്‍സംഘംതന്നെയുണ്ട്. തനി വാനരന്മാര്‍. കൗമാര കുരുപ്പുകള്‍. ബോയ്സും ഗേള്‍സ്സും. മക്കളും അവരുടെ കസിന്‍സും. പകച്ചുപോയ വാര്‍ധക്യവുമായി മധ്യവയസ്‌കരായി ഞങ്ങള്‍ രണ്ട് പേര്‍ മാത്രം. അവധിക്കാലത്ത് ഒരു വണ്‍ഡേ ട്രിപ്പിനിറങ്ങിയതാണ്. പാട്ടിലും ചിരിയിലും ട്രോളിലും തുടങ്ങി ഇപ്പോള്‍ ചാനല്‍ടൈപ്പ് ചര്‍ച്ചയില്‍ എത്തിയിരിക്കുന്നു. വിഷയം ബോയ്സ് വേഴ്സസ് ഗേള്‍സ്.

Content Highlights: A humorous and insightful look at the differences in parenting styles between boys and girls