ബേൺ ഔട്ടും നേക്കഡ് റെസിഗ്നേഷനും; ഒരു നോ മതി, രാജിവെക്കാതെ തന്നെ അതിജീവിക്കാം ജോലിസമ്മർദത്തെ

കഴിഞ്ഞ ദിവസം ഒരു കോർപ്പറേറ്റ് സ്ഥാപനത്തിൽ ജോലി ചെയ്തിരുന്ന എറണാകുളം സ്വദേശിയായ ഒരു ചാർട്ടേഡ് അക്കൗണ്ടന്റ്  മരണപ്പെടുകയുണ്ടായി. ജോലിസമ്മർദം കൊണ്ടുണ്ടായ ഈ മരണം തൊഴിൽരംഗത്തെ പിടിച്ചുലച്ചിരിക്കുകയാണ്. ഇവരുടെ അമ്മയെഴുതിയ കത്തും വളരെ ശ്രദ്ധ നേടിയിരുന്നു. പഠനത്തിലും ജോലിയിലുമെല്ലാം മിടുക്കിയായി. സ്വന്തം കഴിവുകൊണ്ടും സ്വപ്രയത്നം കൊണ്ടും ഒരു വലിയ കോർപ്പറേറ്റ് സ്ഥാപനത്തിൽ ജോലി ലഭിച്ച ഒരാൾക്ക് തൊഴിൽസമ്മർദം  ഏൽപ്പിക്കുന്ന അഘാതം ഈ വിഷയത്തിന്റെ ഗൗരവത്തെ സൂചിപ്പിക്കുന്നു, ഇതിനു മുൻപും ഇത്തരം വാർത്തകൾ കേൾക്കാറുണ്ടെങ്കിലും വേണ്ട രീതിയിൽ സ്ഥാപനങ്ങളോ വ്യക്തികളോ ഈ വിഷയത്തിന് പ്രാധാന്യം കൊടുക്കാറില്ല.

ലോകമെമ്പാടുമുള്ള ആളുകളിൽ 43% പേരും ഉയർന്നതോതിൽ തൊഴിൽസമ്മർദം അനുഭവിക്കുന്നതായി വിവിധ പഠനങ്ങൾ പറയുന്നു. അതിൽത്തന്നെ ഒരുപാട് പേർ  പൊട്ടിത്തെറിയുടെ വക്കിലാണ് (Burnout). അമേരിക്കയിൽ പ്രൊഫഷണലുകൾക്കിടയിൽ നടത്തിയ ഒരു പഠനത്തിൽ 61% പേർക്കും എപ്പോൾ വേണമെങ്കിലും ഒരു ബേണൗട്ട് സംഭവിക്കാം എന്ന അവസ്ഥയാണ് സൂചിപ്പിക്കുന്നത്.

Content Highlights: how to handle work stress and related issues