പൈതൃകത്തിൽ നിലനിന്നിരുന്നത്; ആധുനികകാലത്ത് എന്തിന് എതിർക്കണം സ്വവർഗ വിവാഹത്തെ? | പരമ്പര മൂന്നാം ഭാഗം

തുല്യതക്ക് വേണ്ടിയുള്ള സമരങ്ങളില്‍ മാറ്റി നിര്‍ത്തപ്പെടുന്ന യോഗ്യതയില്ലായ്മയ്ക്കുള്ള കാരണങ്ങള്‍ പലപ്പോഴും യുക്തിരഹിതമാണ്. സ്വവര്‍ഗ പ്രണയവും ലൈംഗികതയും ഇന്ത്യന്‍ സംസ്‌കാരത്തിന് എതിരാണെന്ന വാദം അതിലൊന്നാണ്‌. ഒരു ജനാധിപത്യ രാജ്യത്ത് അഭിപ്രായ സ്വാതന്ത്ര്യത്തിന് കടിഞ്ഞാണിടുന്നത് പോലെ പ്രണയത്തിനും വിവാഹത്തിനും കടിഞ്ഞാണിടുന്നു. ജനങ്ങളാല്‍ തിരഞ്ഞെടുക്കപ്പെട്ട ജനപ്രതിനിധികളുടെ ജനാധിപത്യ രാജ്യത്ത് 'ജന'ത്തെ കാണാതായി പോയോയെന്ന് പരിശോധിക്കേണ്ടിയിരിക്കുന്നു.

ലൈംഗിക അഭിരുചികളില്‍ ഉറച്ചുനിന്ന് അവകാശങ്ങള്‍ക്കായി പോരാടിയ, പ്രവര്‍ത്തിച്ച മഴവില്ലഴകില്‍ തീര്‍ക്കപ്പെട്ട പോരാട്ട ചരിത്രമുണ്ട്. മാറ്റിനിര്‍ത്തപ്പെട്ടവരുടെ ശബ്ദങ്ങള്‍ക്കായി പോരാടിയ കുറേയേറെ മനുഷ്യരുണ്ട് അവരില്‍. സ്റ്റോണ്‍ വാളെന്ന വിപ്ലവഗാഥയാണ് അതിന്റെ അടിത്തറ. സ്റ്റോണ്‍ വോളില്‍നിന്ന് തുടങ്ങിയ പ്രതിഷേധങ്ങള്‍ക്ക് ട്രാന്‍സ്‌ജെന്‍ഡര്‍ സ്ത്രീയായ മാര്‍ഷ പി. ജോണ്‍സണാണ് നേതൃത്വം കുറിച്ചത്. പിന്നീടാണ് LGBQ കമ്മ്യൂണിറ്റിയില്‍ T വന്നുചേരുന്നത്. നവംബറിലെ ഒരുവാരം അന്നുമുതല്‍ ട്രാന്‍സ്‌ജെന്‍ഡര്‍ ബോധവത്കരണ വാരമായി ആചരിച്ചു പോരുന്നു. 

Content Highlights: same sex marriage in india