Video | ആഹ്ലാദപ്രകടനത്തിനിടെ അ‌ച്ഛനെത്തി; വൈറലായി വൈഗ
കെ.എസ്.യു.വിന്റെ പതാകയുമേന്തി ആവേശത്തോടെ ആഹ്ലാദപ്രകടനം നടത്തുമ്പോള്‍ വൈഗയ്ക്ക് അപ്രതീക്ഷിതമായി ലഭിച്ച അനുഗ്രഹമായി ആ ഹസ്തദാനം. കളമശ്ശേരി വനിതാ പോളിടെക്‌നിക് കോളേജ് ഇലക്ഷനില്‍ അട്ടിമറി ജയത്തോടെയാണ് വൈഗ ചെയര്‍പേഴ്‌സണായി തിരഞ്ഞെടുക്കപ്പെട്ടത്.
35 വര്‍ഷത്തെ എസ്. എഫ്.ഐ.യുടെ ആധിപത്യം അവസാനിപ്പിച്ച കെ.എസ്.യു. സാരഥിക്ക് കൈകൊടുത്തത് ആലുവ-എറണാകുളം റൂട്ടിലെ ബസിന്റെ സാരഥിയായ അച്ഛന് ജിനുനാഥാണ്. എച്ച്.എം.ടി. റോഡില്‍ വിജയാഹ്ലാദപ്രകടനം നടക്കുമ്പോഴാണ് വൈകീട്ട് 5.40- ഓടെ ജിനുനാഥ് പി.പി.കെ. സണ്‍സ് എന്ന ബസ് ഓടിച്ച് അതുവഴി വന്നത്.
ആഘോഷാരവങ്ങളോ, റോഡിലെ തിരക്കോ മകളെ അഭിനന്ദിക്കുന്നതിന് അച്ഛന് തടസ്സമായില്ല. കണ്ടുനിന്നവര്‍ക്കും ഉള്ളില്‍ ആഹ്ലാദവും ചുണ്ടില്‍ പുഞ്ചിരിയും പകര്‍ന്ന മുഹൂര്‍ത്തമായി അതുമാറി.
In Short | Vaiga, the newly elected KSU chairperson of the Women's Polytechnic College, went viral after a heartwarming celebration with her father following her election victory.