ലക്ഷ്വറി: 500 മുതല്‍ 50000 വരെ ;ഇതാണ് ടാറ്റ സ്റ്റൈല്‍
ഇന്ത്യക്കാരുടെ നിത്യജീവിതത്തിന്റെ ഭാഗം കൂടിയാണ് ടാറ്റയുടെ 30 കമ്പനികള്‍. ടാറ്റ ഗ്രൂപ്പിന്റെ ലക്ഷ്വറി ബ്രാന്റുകളെപ്പറ്റിയറിഞ്ഞിരിക്കാം. ആഗോളഫാഷന്‍രംഗത്ത് തരംഗമാണ് സാറയെന്ന ബ്രാന്റ് നെയിം. റെഡ് കാര്‍പ്പെറ്റ് മുതല്‍ ഓഫീസ് വെയര്‍ വരെയുള്ളവ തിരഞ്ഞെടുക്കുന്നതില്‍ സാറ നേടിയെടുത്ത വിശ്വാസ്യത ചെറുതല്ല.
സ്പാനിഷ് ഫാഷന്‍ കമ്പനിയായ ഇന്‍ഡിടെക്സും ടാറ്റയും സംയുക്തമായാണ് സാറ പ്രവര്‍ത്തിക്കുന്നത്. ടാറ്റയുടെ വിവിധ ബ്രാന്‍ഡുകള്‍ ഉള്‍ക്കൊള്ളുന്ന ഇന്ത്യയിലെ റീട്ടെയില്‍ സ്ഥാപനമാണ് ട്രെന്റ് ലിമിറ്റഡ്. ട്രെന്റ് ലിമിറ്റഡിന്റെ ഭാഗമായ വെസ്റ്റ്‌സൈഡ്, രാജ്യത്തെ ഏറ്റവും വലിയ റീട്ടെയില്‍ ശൃംഖലകളിലൊന്നാണ്.