അന്യഗ്രഹങ്ങളുടെ എണ്ണം 5000 പിന്നിട്ടു!

സൗരയൂഥത്തിന് വെളിയില്‍ കണ്ടത്തിയ അന്യഗ്രഹങ്ങള്‍ അഥവാ എക്സോപ്ലാനറ്റുകളുടെ എണ്ണം 5000 കടന്നതായി നാസ അറിയിച്ചു. നാസയുടെ അന്യഗ്രഹ ആര്‍ക്കൈവിലേക്ക് 2022 മാര്‍ച്ച് 21-ന് പുതിയ 65 അന്യഗ്രഹങ്ങളുടെ വിവരം കൂടി ചേര്‍ത്തതോടെയാണ്, തിരിച്ചറിഞ്ഞ ഇത്തരം ഗ്രഹങ്ങളുടെ സംഖ്യ 5000 എന്ന നാഴികക്കല്ല് പിന്നിട്ടത്.

വിവിധ നിരീക്ഷണ ഉപാധികളും വിശകലന വിദ്യകളും വഴി തിരിച്ചറിഞ്ഞ്, ആധികാരിക ശാസ്ത്രജേണലുകളില്‍ പ്രസിദ്ധീകരിക്കപ്പെട്ട അന്യഗ്രഹങ്ങളുടെ പട്ടികയാണ് നാസ എക്സോപ്ലാനറ്റ് ആര്‍ക്കൈവില്‍ ഉള്‍പ്പെടുത്തുന്നത്.