VIDEO | അയ്യപ്പസന്നിധിയില് നാദവിസ്മയം തീര്ത്ത് മട്ടന്നൂര് ശങ്കരന്കുട്ടിമാരാരും സംഘവും
ശബരിമല: അയ്യപ്പസന്നിധിയില് നാദോപാസനയര്പ്പിച്ച് വാദകനും സംഗീത നാടക അക്കാദമി ചെയര്മാനുമായ മട്ടന്നൂര് ശങ്കരന്കുട്ടിമാരാരും സംഘവും. ചൊവ്വാഴ്ച രാത്രി മല കയറിയെത്തിയ സംഘം ബുധനാഴ്ച രാവിലെ എട്ടരയോടെയാണ് അയ്യപ്പ സന്നിധിയില് നാദവിസ്മയംതീര്ത്തത്. മട്ടന്നൂര് ശങ്കരന്കുട്ടിമാരാരും മക്കളായ ശ്രീകാന്ത്, ശ്രീരാജ് എന്നിവരുമാണ് തായമ്പക നയിച്ചത്.
കലാമണ്ഡലം ഉണ്ണികൃഷ്ണനും വെള്ളിനേഴി ആനന്ദും ഇടംതലയിലും വെള്ളിനേഴി രാംകുമാര്, കീനൂര് സുബീഷ്, തൃശൂര് ശബരി, ഇരിങ്ങാലക്കുട ഹരി എന്നിവര് വലംതലയിലും മട്ടന്നൂരിനെ അനുഗമിച്ചു. മട്ടന്നൂര് അജിത്ത് മാരാര്, വെള്ളിനേഴി വിജയന്, കല്ലുവഴി ശ്രീജിത്, പുറ്റേക്കാട് മേഘനാദന്, തൃക്കടീരി ശങ്കരന്കുട്ടി, മട്ടന്നൂര് ശ്രീശങ്കര് മാരാര് എന്നിവര് ചേര്ന്ന് താളമൊരുക്കി.