'ആരെയെങ്കിലും ഒളിപ്പിച്ചിട്ടുണ്ടോയെന്ന് ചോദിച്ചു'; SFI വനിതാ നേതാവ് മോശമായി സംസാരിച്ചെന്ന് പരാതി
എന്‍.സി.സി. ക്യാമ്പിലെ ഭക്ഷ്യവിഷബാധയെ തുടര്‍ന്ന് സ്ഥലത്തെത്തിയ എസ്.എഫ്.ഐ. വനിതാ നേതാവ് മോശമായി സംസാരിച്ചെന്ന് പരാതി. ക്യാമ്പിലെത്തിയ എസ്.എഫ്.ഐ. വനിതാ നേതാവ് അശ്ലീലച്ചുവയോടെ മോശമായി സംസാരിച്ചെന്നായിരുന്നു വനിതാ കേഡറ്റുകളുടെ ആരോപണം. ഇതേത്തുടര്‍ന്ന് എസ്.എഫ്.ഐ. നേതാക്കളും എന്‍.സി.സി. കേഡറ്റുകളും തമ്മില്‍ വാക്കുതര്‍ക്കമുണ്ടായി.
അതേസമയം, ആരോപണം തെറ്റാണെന്നും കേഡറ്റുകളോട് മോശമായി സംസാരിച്ചിട്ടില്ലെന്നുമായിരുന്നു എസ്.എഫ്.ഐ. നേതാവിന്റെ പ്രതികരണം. ക്യാമ്പിലെത്തിയ സമയത്ത് ഗേറ്റ് പൂട്ടിയിട്ടിരുന്നു. തുടര്‍ന്ന് അകത്തുകയറിയപ്പോള്‍ വനിതാ കേഡറ്റുമാര്‍ പ്രവേശിക്കാന്‍ സമ്മതിച്ചില്ല. അവരാണ് മോശമായരീതിയില്‍ തന്നോട് പെരുമാറിയതെന്നും എസ്.എഫ്.ഐ. വനിതാ നേതാവ് പറഞ്ഞു.