'എന്റെ പ്രശ്നങ്ങൾ വേദിയിൽ കാണിക്കാൻ ലഭിച്ച അവസരം'; മലയാള നാടകത്തിലെ മികച്ച നടിയായ UPക്കാരി പറയുന്നു
സംസ്ഥാന കേരളോത്സവത്തില്‍ മലയാള നാടകത്തിലെ മികച്ച നടിയായി ഉത്തര്‍പ്രദേശുകാരി കാശിഷ് മുകേഷ്. ഉത്തര്‍പ്രദേശില്‍ നിന്നു കാഞ്ഞങ്ങാട്ടെത്തി സ്ഥിര താമസമാക്കിയ കുടുംബത്തിലെ പൂജയുടെയും രാജസ്ഥാന്‍ സ്വദേശി മുകേഷ് സിങ്ങിന്റെയും ഏഴുമക്കളിലൊരാളാണ് ബികോം വിദ്യാര്‍ഥിനിയായ കാശിഷ്.
തെലങ്കാനയിലെ കര്‍ഷക ആത്മഹത്യ ഇതിവൃത്തമാക്കിയുള്ള ഇ.വി.ഹരിദാസിന്റെ രചനയില്‍ ചന്ദ്രന്‍ കരുവാക്കോട് സംവിധാനം ചെയ്ത 'നൂലുകൊണ്ട് മുറിവേറ്റവര്‍' എന്ന നാടകത്തില്‍ രേവമ്മ എന്ന കഥാപത്രത്തെയാണ് കാശിഷ് അവതരിപ്പിച്ചത്. മികച്ച നടിക്കുള്ള പുരസ്‌കാരം രണ്ടു പേരാണ് പങ്കിട്ടത്. രേവമ്മയുടെ മകളായി അഭിനയിച്ച വെള്ളിക്കോത്തെ ഗായത്രി ഗോപാലാണ് മറ്റൊരു മികച്ച നടി.