വിതുമ്പിയും കണ്ണുതുടച്ചും നിഷാദിന് വിട നല്കി സഹപ്രവര്ത്തകര്
കൊച്ചി: അന്തരിച്ച ഫിലിം എഡിറ്റര് നിഷാദ് യൂസഫിന് ആദരമര്പ്പിച്ച് സഹപ്രവര്ത്തകര്. നൂറുകണക്കിന് ചലച്ചിത്രപ്രവര്ത്തകരാണ് മൃതദേഹം പോസ്റ്റുമോര്ട്ടം ചെയ്ത എറണാകുളം ജനറല് ആശുപത്രിയില് എത്തിയത്.
കരിയറില് വിജയത്തില് നില്ക്കവേ ഉണ്ടായ നിഷാദിന്റെ അകാലവിയോഗത്തില് പലരും സങ്കടമടക്കാനാവാതെ വിങ്ങിപ്പൊട്ടി. സുഹൃത്തുക്കള് പരസ്പരം ആശ്വസിപ്പിച്ചു. നടന്മാരായ ടോവിനോ തോമസ്, റോണി ഡേവിഡ്, സംവിധായകന് മുഹ്സിന് പെരാരി തുടങ്ങിയവര് ആശുപത്രിയില് എത്തി ആദരാഞ്ജലിയര്പ്പിച്ചു.