കുടുംബവുമൊത്തുള്ള ദീപാവലി വെക്കേഷൻ ഇത്തവണ അബുദാബിയിലേക്കായാലോ? വിവരങ്ങളിതാ

ഇന്ത്യയിലെ പ്രധാന നഗരങ്ങളിൽനിന്ന് വെറും 3 മുതൽ 4 മണിക്കൂർ വരെയുള്ള ചുരുങ്ങിയ വിമാനയാത്ര കൊണ്ട് എത്തിച്ചേരാവുന്ന അബുദാബി, ഇത്തവണത്തെ ദീപാവലി ആഘോഷങ്ങൾക്ക് അനുയോജ്യമായ ഒരു കുടുംബ വിനോദസഞ്ചാര കേന്ദ്രമായി മാറിയിരിക്കുന്നു. കുട്ടികൾ മുതൽ പ്രായമായവർ വരെയുള്ള, കുടുംബത്തിലെ എല്ലാ തലമുറകൾക്കും ഒരുപോലെ ആസ്വദിക്കാൻ സാധിക്കുന്ന രീതിയിലാണ് ഇവിടെ ദീപാവലി വെക്കേഷൻ പാക്കേജുകൾ ക്രമീകരിച്ചിരിക്കുന്നത്.

മനോഹരമായ വെളുത്ത മണൽത്തീരങ്ങൾ, ലോകോത്തര മ്യൂസിയങ്ങൾ, തീം പാർക്കുകൾ, ഉത്സവകാല ഷോപ്പിംഗ്, സവിശേഷമായ ദീപാവലി സദ്യകൾ എന്നിവയെല്ലാം കോർത്തിണക്കിയ ഈ യാത്രകൾ ഒരാൾക്ക് 83,825 രൂപ മുതൽ ലഭ്യമാണ്. കുടുംബങ്ങൾക്ക് തിടുക്കമില്ലാതെ ദീപാവലി ഒഴിവുകാലം ആഘോഷിക്കുന്നതിനായി വിവിധ തരം ടൂർ പാക്കേജുകൾ അബുദാബി അവതരിപ്പിക്കുന്നു.

ഉത്സവകാല യാത്രകൾ ആസൂത്രണം ചെയ്യുന്ന കുടുംബങ്ങൾക്കായി അബുദാബി ബുക്ക് ചെയ്യാൻ അഞ്ച് കാരണങ്ങൾ ഇതാ:

1. എളുപ്പമാണ് അബുദാബി യാത്ര

ഇന്ത്യയിൽനിന്ന് കുറഞ്ഞ സമയത്തെ വിമാനയാത്രമാത്രം ആവശ്യമുള്ള അബുദാബി, പെട്ടെന്നുള്ള യാത്രകൾക്കും നീണ്ട കുടുംബ അവധിക്കാലങ്ങൾക്കും ഒരുപോലെ അനുയോജ്യമായ ഡെസ്റ്റിനേഷനാണ്. ആറ് രാത്രികൾ നീണ്ടുനിൽക്കുന്ന യാത്രയിലൂടെ കുടുംബങ്ങൾക്ക് അവിസ്മരണീയമായ അനുഭവങ്ങൾ നിറഞ്ഞ അവധി ആസ്വദിക്കാം.

ഉദാഹരണത്തിന്, ഒരാൾക്ക് 83,325 രൂപ മുതൽ ആരംഭിക്കുന്ന ഉട്ടാസോയുടെ (Utazzo) 6 രാത്രികൾ ഉൾപ്പെടുന്ന പാക്കേജിൽ താമസസൗകര്യം, പ്രഭാതഭക്ഷണം, എയർപോർട്ട് ട്രാൻസ്ഫറുകൾ എന്നിവയ്‌ക്കൊപ്പം ഷെയ്ഖ് സായിദ് ഗ്രാൻഡ് മോസ്‌ക്, ലൂവ്ർ അബുദാബി, യാസ് ഐലൻഡ് തീം പാർക്ക്, ഡെസേർട്ട് സഫാരി, ഷോപ്പിംഗ് എന്നിവ ഉൾപ്പെടുന്നു. കൂടാതെ, അഹമ്മദാബാദിൽ നിന്നുള്ള ഫ്ലമിംഗോ ട്രാൻസ്‌വേൾഡിന്റെ പാക്കേജിൽ വിമാന ടിക്കറ്റ്, യു.എ.ഇ വിസ, എമിറേറ്റ്സ് പാലസിലെ ഹൈ ടീ, ടീംലാബ് ഫിനോമിന, ഷെയ്ഖ് സായിദ് ഗ്രാൻഡ് മോസ്ക് സന്ദർശനം എന്നിവ ഉൾപ്പെടുന്നു. തോമസ് കുക്കിന്റെ 'അറേബ്യൻ ധമാക്ക' പാക്കേജിലൂടെ ഖസർ അൽ വതൻ, സ്നോ അബുദാബി, ബി.എ.പി.എസ് (BAPS) ഹിന്ദു മന്ദിർ തുടങ്ങിയ പ്രമുഖ സ്ഥലങ്ങൾ സന്ദർശിക്കാനും സാധിക്കും.

2. കുടുംബത്തിലെ എല്ലാവർക്കും അനുയോജ്യമായ അവധിക്കാലം

അബുദാബിയിൽ എല്ലാ തലമുറയിലുമുള്ള കുടുംബാംഗങ്ങൾക്കും അവരുടെ ഇഷ്ടത്തിനനുസരിച്ച് അവധിക്കാലം ആഘോഷിക്കാൻ അവസരമുണ്ട്. രാവിലെ സാദിയാത്ത് ഐലൻഡിലെ മ്യൂസിയങ്ങളിലെ കാഴ്ചകൾ കണ്ടതിനുശേഷം, ഉച്ചയ്ക്കുശേഷം യാസ് ഐലൻഡിലെ റോളർ കോസ്റ്ററുകളിലും വിനോദങ്ങളിലും സഞ്ചാരികൾക്ക് പങ്കാളികളാകാം. സാംസ്കാരിക കാഴ്ചകൾക്കൊപ്പം കടൽത്തീരത്ത് വിശ്രമിക്കാനും ഇവിടെ സൗകര്യമുണ്ട്. ഉദാഹരണത്തിന്, റിക്സോസ് പ്രീമിയം സാദിയാത്ത് ഐലൻഡിൽ 2026 നവംബർ 1 മുതൽ 15 വരെയുള്ള കാലയളവിൽ കുറഞ്ഞത് രണ്ട് രാത്രി തങ്ങുന്നവർക്ക് 25%വരെ ഇളവും കുട്ടികൾക്ക് സൗജന്യ താമസവും ലഭിക്കുന്നു.

തോമസ് കുക്കിന്റെ (Thomas Cook) മൂന്ന് രാത്രികളുള്ള 'അറേബ്യൻ ധമാക്ക - വിന്റർ' പാക്കേജ് ഒരാൾക്ക് 136,500 രൂപ മുതൽ ആരംഭിക്കുന്നു. ഇതിൽ ടീംലാബ് ഫിനോമിന അബുദാബിയിലെ ആഴത്തിലുള്ള ആർട്ട് അനുഭവം, ഖസർ അൽ വതന്റെ വാസ്തുവിദ്യ, സ്നോ അബുദാബിയിലെ മരുഭൂമിയിലെ മഞ്ഞ്, രണ്ട് യാസ് ഐലൻഡ് തീം പാർക്കുകളിലേക്കുള്ള പ്രവേശനം എന്നിവ ഉൾപ്പെടുന്നു. ഗൈഡഡ് സിറ്റി ടൂർ, ഷെയ്ഖ് സായിദ് ഗ്രാൻഡ് മോസ്കിലെ ഫോട്ടോ സ്റ്റോപ്പ്, ബി.എ.പി.എസ് ഹിന്ദു മന്ദിർ സന്ദർശനം എന്നിവയും ഈ യാത്രയുടെ ഭാഗമാണ്.

3. ദീപാവലിക്ക് ഒപ്പം ഒരു ബീച്ച് യാത്രയും

കാഴ്ചകളും കുടുംബ സാഹസികതകളും കാണുന്നതിനിടയിൽ അൽപ്പം വിശ്രമത്തിനും സമയമുണ്ട്. നവംബർ 1 നും 15 നും ഇടയിൽ കുറഞ്ഞത് രണ്ട് രാത്രികളെങ്കിലും തങ്ങുന്നവർക്കായി 'റിക്സോസ് പ്രീമിയം സാദിയാത്ത് ഐലൻഡ്' മികച്ച നിരക്കിൽ 25%വരെ ഇളവ് വാഗ്ദാനം ചെയ്യുന്നു. കൂടാതെ തിരഞ്ഞെടുത്ത റൂം വിഭാഗങ്ങളിൽ കുട്ടികൾക്ക് സൗജന്യ താമസവും ലഭ്യമാണ്. അതായത്, അബുദാബിയുടെ പ്രധാന സാംസ്കാരിക സ്ഥാപനങ്ങളിൽ നിന്ന് മിനിറ്റുകൾമാത്രം അകലെ, കടൽത്തീരത്ത് കുടുംബത്തോടൊപ്പം കുറച്ച് സമയം ചെലവഴിച്ചുകൊണ്ട് ദീപാവലി അവധിക്കാലം സഞ്ചാരികൾക്ക് വ്യത്യസ്തമാക്കാം.

4. ആഘോഷങ്ങളുടെ ഭാഗമായി ദീപാവലി വിരുന്നും

നാട്ടിൽ നിന്നകലെയാണെങ്കിലും ദീപാവലിയുടെ പരമ്പരാഗത രുചികൾ ആസ്വദിക്കാൻ അബുദാബി അവസരമൊരുക്കുന്നു. നവംബർ 6 മുതൽ 8വരെ നമക് (Namak) റെസ്റ്റോറന്റിൽ തത്സമയ ചാട്ട്, തന്തൂരി വിഭവങ്ങൾ, പ്രാദേശിക ഇന്ത്യൻ ഭക്ഷണങ്ങൾ, പരമ്പരാഗത മധുരപലഹാരങ്ങൾ എന്നിവ അടങ്ങിയ ദീപാവലി സദ്യ സംഘടിപ്പിക്കുന്നു. ഒരാൾക്ക് ഏകദേശം 4,200 രൂപ നിരക്കിലുള്ള ഈ സദ്യയിൽ 10 വയസ്സിന് താഴെയുള്ള രണ്ട് കുട്ടികൾക്ക് സൗജന്യമായി ഭക്ഷണം കഴിക്കാം. കൂടാതെ, ധൻതേരസ്, ദീപാവലി ഷോപ്പിംഗിനായി അൽ മരിയ ഐലൻഡിലെ 'ദി ഗാലറിയ' മാളിൽ പ്രമുഖ ആഗോള ബ്രാൻഡുകളുടെ വിപുലമായ ശേഖരം ഒരുക്കിയിട്ടുണ്ട്.

5. ഉത്സവകാല ഷോപ്പിംഗും അവധിക്കാലത്തിന്റെ ഭാഗമാകുന്നു

ധൻതേരസ്, ദീപാവലി ഷോപ്പിംഗ് എന്നിവ ലക്ഷ്യമിടുന്ന കുടുംബങ്ങൾക്കായി, 'ദ ഗലേറിയ അൽ മർയാഹ് ഐലൻഡ്' മാൾ വാട്ടർഫ്രണ്ട് പശ്ചാത്തലത്തിൽ ആഡംബര ഫാഷൻ ബ്രാൻഡുകളെയും അന്താരാഷ്ട്ര ബ്രാൻഡുകളെയും ഒരു കുടക്കീഴിൽ അണിനിരത്തുന്നു. ഇത് ഉത്സവകാല ഷോപ്പിംഗിനെ തികച്ചും വ്യത്യസ്തമായ ഒരു അനുഭവമാക്കി മാറ്റുന്നു.

ചുരുക്കത്തിൽ, പരമ്പരാഗത ദീപാവലി ആഘോഷങ്ങളും ആധുനിക വിനോദങ്ങളും സമന്വയിക്കുന്ന അബുദാബി, ഇന്ത്യൻ കുടുംബങ്ങൾക്ക് അവിസ്മരണീയമായ ഒരു ഉത്സവകാല യാത്രാനുഭവം സമ്മാനിക്കുന്നു. സാംസ്കാരിക കേന്ദ്രങ്ങൾ മുതൽ കടൽത്തീരത്തെ മനോഹരമായ റിസോർട്ടുകൾവരെ ഈ യാത്രയെ അർത്ഥപൂർണ്ണമാക്കുന്നു. കുടുംബത്തോടൊപ്പം ദീപാവലി ആഘോഷിക്കാൻ ആഗ്രഹിക്കുന്നവർക്ക് ഏറ്റവും അനുയോജ്യമായ ഒരു തെരഞ്ഞെടുപ്പാണ് അബുദാബി.

Content Highlights: Abu Dhabi has unveiled specially curated multi-generational Diwali vacation packages for Indian families, featuring beach getaways, theme parks, desert safaris, and festive dining within a short flight from India.