തിരുവനന്തപുരത്ത് സിഎസ്‌ഐആര്‍-എന്‍ഐഐഎസ്ടിയുടെ ഐപി മൊണിറ്റൈസേഷന്‍ ടെക്‌നോളജി ട്രാന്‍സ്ഫര്‍ കോണ്‍ക്ലേവ്
സുവര്‍ണജൂബിലി ആഘോഷങ്ങളുടെ ഭാഗമായി സി.എസ്.ഐ.ആര്‍-നാഷണല്‍ ഇന്‍സ്റ്റിറ്റ്യൂട്ട് ഫോര്‍ ഇന്റര്‍ഡിസിപ്പ്‌ലിനറി സയന്‍സ് ആന്‍ഡ് ടെക്‌നോളജി ഐപി മൊണിറ്റൈസേഷനും ടെക്‌നോളജി ട്രാന്‍സ്ഫറും സംബന്ധിച്ച കോണ്‍ക്ലേവ് സംഘടിപ്പിക്കും. മേയ് 14-ന് തിരുവനന്തപുരത്തെ ക്യാമ്പസിലാണ് കോണ്‍ക്ലേവ്. നീതി ആയോഗ് അംഗമായ ഡോ. വി.കെ. സരസ്വത് കോണ്‍ക്ലേവ് ഉദ്ഘാടനം ചെയ്യും. സിഎസ്‌ഐആര്‍-എന്‍ഐഐഎസ്ടി ഡയറക്ടര്‍ ഡോ. സി. അനന്തരാമകൃഷ്ണന്‍ അധ്യക്ഷത വഹിക്കും.
ഗവേഷണ സ്ഥാപനങ്ങളും വ്യവസായ സ്ഥാപനങ്ങളും ബൗദ്ധികസ്വത്ത് (ഐപി) തന്ത്രപരമായി സംരക്ഷിക്കുകയും, അതിന്റെ വാണിജ്യ സാധ്യതകള്‍ വിലയിരുത്തുകയും, ഇവയെ വിപണിയില്‍ എത്താവുന്ന ഉത്പന്നങ്ങളാക്കി മാറ്റുകയുമാണ് കോണ്‍ക്ലേവിന്റെ പ്രധാന ലക്ഷ്യം. ടെക്‌നോളജി ലൈസന്‍സിങ്ങും ഐപി. മൊണിറ്റൈസേഷന്‍ തന്ത്രങ്ങളുമുപയോഗിച്ച് വരുമാനം വര്‍ദ്ധിപ്പിക്കുന്നതിലേക്ക് പ്രത്യേക ഊന്നല്‍ നല്‍കുന്നു.
'സിഎസ്‌ഐആര്‍-എന്‍ഐഐഎസ്ടി-യിലെ 50 വര്‍ഷത്തെ ശാസ്ത്രീയ മികവിന്റെ ഭാഗമായി, ഈ ഐപി മൊണിറ്റൈസേഷന്‍ ആന്‍ഡ് ടെക്‌നോളജി ട്രാന്‍സ്ഫര്‍ കോണ്‍ക്ലേവ് നാം നവീനതയെ സാമൂഹ്യലാഭത്തിലേക്ക് മാറ്റാനുള്ള പ്രതിജ്ഞയെ പ്രതിഫലിപ്പിക്കുന്നു. ഇന്നത്തെ അറിവ് നയിക്കുന്ന സമ്പദ്വ്യവസ്ഥയില്‍, ഗവേഷണം ലബോറട്ടറികളില്‍ മാത്രം ഒതുങ്ങാതെ, ദൃഢമായ ഐപി. ഘടനകളിലൂടെ, പങ്കാളിത്തങ്ങള്‍ക്കിടയില്‍, വിപണിയില്‍ എത്തിച്ചേരേണ്ടത് അത്യന്താപേക്ഷിതമാണ്.' -സിഎസ്‌ഐആര്‍-എന്‍ഐഐഎസ്ടി ഡയറക്ടര്‍ ഡോ. സി. അനന്തരാമകൃഷ്ണന്‍ പറഞ്ഞു.
ഐപി അടിസ്ഥാനമാക്കിയുള്ള സ്‌പെഷ്യല്‍ പര്‍പ്പസ് വഹിക്കിള്‍ (എസ്പിവി) കമ്പനികളുടെ സൃഷ്ടി, ഓഹരി വിറ്റു ധനസമാഹരണം, സ്റ്റാര്‍ട്ടപ്പുകളില്‍ ഐപിയുടെ ഇക്വിറ്റിയായി നിക്ഷേപം എന്നിവയുള്‍പ്പെടെ ഐപി മൊണിറ്റൈസേഷനിലെ ഉദയുന്ന പ്രവണതകള്‍ പരിപാടിയില്‍ ചര്‍ച്ചചെയ്യും. ഇന്‍കുബേഷന്‍, സ്പിന്‍-ഓഫ്, ജോയിന്റ് വെഞ്ച്വര്‍ മോഡലുകള്‍ ഉള്‍പ്പെടെയുള്ള അത്യാധുനിക ഐപി വാലറൈസേഷന്‍ മാതൃകകളെക്കുറിച്ചും പ്രതിനിധികള്‍ക്ക് ഉപയോഗപ്രദമായ അറിവുകള്‍ ലഭിക്കും.
ഐപിയും ടെക്‌നോളജി ട്രാന്‍സ്ഫറുമായ ബന്ധപ്പെട്ട് ദേശീയ തലത്തിലെ പ്രമുഖ വിദഗ്ധര്‍ പരിപാടിയില്‍ പങ്കെടുക്കും.
രജിസ്‌ട്രേഷനായി സിഎസ്‌ഐആര്‍-എന്‍ഐഐഎസ്ടി വെബ്‌സൈറ്റ് സന്ദര്‍ശിക്കാം. അല്ലെങ്കില്‍ സീനിയര്‍ പ്രിന്‍സിപ്പല്‍ സയന്റിസ്റ്റും കോണ്‍ക്ലേവ് കണ്‍വീനറുമായ ആര്‍.എസ്. പ്രവീണ്‍ രാജിനെ ബന്ധപ്പെടാം. നമ്പര്‍: +91 99956 32522
Content Highlights: CSIR-NIIST to Host Conclave on IP Monetization and Technology Transfer as Part of Golden Jubilee