യുഎസിനെ വെല്ലാൻ ചൈനയുടെ H20, ഭീഷണി ഇന്ത്യയ്ക്കും; വേണം നമുക്കും ഒരു സ്റ്റെൽത്ത് ബോംബർ
ദക്ഷിണേഷ്യയിലെ മേധാവിത്വ ശക്തിയെന്ന നിലയിൽനിന്ന് ആഗോളശക്തിയായി വികസിക്കുന്ന രാജ്യമാണ് ഇന്ന് ഇന്ത്യ. ലോകവിഷയങ്ങളിൽ തന്ത്രപരമായ നിലപാടുകളുമായി മുന്നോട്ടുപോകുന്ന ഇന്ത്യയുടെ സൈനികശക്തിയും അതിനൊത്ത് ഉയരേണ്ടതുണ്ട്. ഇന്ത്യയുടെ താത്പര്യങ്ങൾ മാറുകയാണ്, ഒപ്പം ഇന്ത്യയുടെ വ്യോമശേഷി കൂടുതൽ വളരണം. ഒരു പ്രാദേശിക പ്രതിരോധ സേനയിൽനിന്ന് ആഗോളതലത്തിൽ സ്വാധീനമുറപ്പിക്കാൻ ശേഷിയുള്ള തന്ത്രപ്രധാനമായ ശക്തിയായി പരിണമിച്ചുകൊണ്ടിരിക്കുകയാണ് ഇന്ന് ഇന്ത്യൻ സൈന്യം. കരസേനയും നാവികസേനയും വ്യോമസേനയും മാറ്റത്തിന് വിധേയമായി കൊണ്ടിരിക്കുകയാണ്. പ്രത്യേകിച്ച്, ഇൻഡോ-പസഫിക് മേഖലയിലെ സൈനികവൽക്കരണവും ഹിമാലയൻ അതിർത്തികളിലെ വെല്ലുവിളികളും കണക്കിലെടുക്കുമ്പോൾ ഇന്ത്യൻ സൈന്യത്തെ സംബന്ധിച്ചിടത്തോളം നിർണായകമായ കാലമാണിത്.
ആധുനിക യുദ്ധങ്ങളിൽ വ്യോമയുദ്ധത്തിൽ നേടുന്ന മേധാവിത്വം യുദ്ധത്തിന്റെ ഗതിതന്നെ മാറ്റിമറിക്കാം. എതിരാളികളുടെ തന്ത്രപ്രധാനമായ ആസ്തികൾ നശിപ്പിക്കാൻ വ്യോമസേനയെ ഉപയോഗിച്ചുള്ള ആക്രമണങ്ങൾക്ക് സാധിക്കും. ഡ്രോണുകൾ ഉപയോഗിച്ചുള്ള കൂട്ട ആക്രമണങ്ങൾ എതിരാളികളുടെ വ്യോമപ്രതിരോധ സംവിധാനത്തെ സമ്മർദ്ദത്തിലാക്കുമെങ്കിലും അതുപയോഗിച്ചുള്ള നാശനഷ്ടങ്ങൾക്ക് പരിമിതിയുണ്ട്. ദീർഘദൂര പ്രഹരശേഷിയുള്ള സ്റ്റെൽത്ത് ബോംബർ വിമാനങ്ങളുടെ ആവശ്യകത ഇവിടെയാണുള്ളത്. ഇന്ന് ലോകത്ത് എവിടെ വേണമെങ്കിലും ചെന്ന് ആക്രമണം നടത്താൻ കഴിയുന്ന സ്റ്റെൽത്ത് ബോംബർ ഉള്ളത് യുഎസിന് മാത്രമാണ്. നിലവിൽ ഇറാനെതിരെ യുഎസ് നടത്തുന്ന ആക്രമണങ്ങളിൽ അവരുടെ ബോംബർ വിമാനങ്ങളും പങ്കെടുക്കുന്നുണ്ട്.
Content Highlights: Evolution of India from regional power to global strategic player., Strategic necessity of stealth bombers for long-range deterrence against China., Limitations of current multi-role fighters in deep-strike missions., Progress of the 'Ghatak' UCAV project and indigenous Kaveri engine., Focus on Manned-Unmanned Teaming (MUM-T) under Vision 2047.