നീഷാമിന്റെ സ്റ്റമ്പിളക്കി ജഡേജയുടെ റോക്കറ്റ് ത്രോ; അമ്പരന്ന് ആരാധകര്‍
ഹാമില്‍ട്ടണ്‍: ന്യൂസീലന്‍ഡിനെതിരായ കഴിഞ്ഞ മത്സരങ്ങളില്‍ വിരാട് കോലിയുടെ അതിവേഗ റണ്‍ഔട്ടുകളാണ് കണ്ടതെങ്കില്‍ രണ്ടാം ഏകദിനത്തില്‍ രവീന്ദ്ര ജഡേജ ആയിരുന്നു താരം. കിവീസ് ഓള്‍റൗണ്ടര്‍ ജിമ്മി നീഷാമിനെ പുറത്താക്കിയ ജഡേജയുടെ റോക്കറ്റ് ത്രോയെ നിരവധി പേരാണ് അഭിനന്ദിച്ചത്.
കിവീസ് ഇന്നിങ്‌സിലെ 35-ാം ഓവറിലായിരുന്നു ഈ റണ്‍ ഔട്ട്. നവദീപ് സയ്‌നി എറിഞ്ഞ ഈ ഓവറിലെ രണ്ടാം പന്തില്‍ ടെയ്‌ലര്‍ സിംഗിളെടുക്കാന്‍ ശ്രമിച്ചു. ആദ്യം ഒന്ന് ശങ്കിച്ച ശേഷമാണ് ടെയ്‌ലര്‍ ഓടാന്‍ തുടങ്ങിയത്. ഈ സമയത്ത് നോണ്‍ സ്‌ട്രൈക്കേഴ്‌സ് എന്‍ഡില്‍ നിന്ന് നീഷാം ഓടാന്‍ തുടങ്ങിയിരുന്നു. എന്നാല്‍ നീഷാം ക്രീസിലെത്തുംമുമ്പെ ജഡേജ ഒരു ബുള്ളറ്റ് ത്രോയിലൂടെ ബെയ്‌ലുകള്‍ ഇളക്കി.