ആധികാരികം ! ഡ്യൂറണ്ട് കപ്പിൽ ക്വാർട്ടർ ഫൈനലിലേക്ക് മുന്നേറി നോർത്ത് ഈസ്റ്റ് യുണൈറ്റഡ്

ന്യൂഡൽഹി: ഡ്യൂറണ്ട് കപ്പിൽ ക്വാർട്ടർ ഫൈനലിലേക്ക് മുന്നേറി നോർത്ത് ഈസ്റ്റ് യുണൈറ്റഡ് എഫ്‌സി. ഗ്രൂപ്പ് സ്റ്റേജിൽ തകർപ്പൻ പ്രകടനം പുറത്തെടുത്താണ് നോർത്ത് ഈസ്റ്റ് ക്വാർട്ടർ ടിക്കറ്റെടുത്തത്. അവസാന ഗ്രൂപ്പ് മത്സരത്തിൽ എഫ്‌സി 1 ക്ലബ്ബിനെയാണ് തകർത്തത്. ഒന്നിനെതിരേ മൂന്നുഗോളുകൾക്കാണ് ജയം.

പാർത്തിബ് ഗൊഗോയ്യുടെ ഇരട്ടഗോളുകളാണ് നോർത്ത് ഈസ്റ്റിന് തുണയായത്. 11, 54 മിനിറ്റുകളിൽ താരം വലകുലുക്കി. 68-ാം മിനിറ്റിൽ നോർത്ത് ഈസ്റ്റ് മൂന്നാം ഗോൾ കണ്ടെത്തി. 71-ാം മിനിറ്റിൽ നുഹമ്മദ് ഇല്ല്യാസ് എഫ്‌സി 1 നായി ഒരു ഗോൾ മടക്കി.

ഗ്രൂപ്പിൽ മൂന്ന് മത്സരങ്ങളും ജയിച്ചാണ് ടീം മുന്നേറിയത്. ഒൻപത് പോയന്റോടെ തലപ്പത്തെത്തി. നേരത്തേ മോഹൻ ബഗാനും ക്വാർട്ടറിൽ പ്രവേശിച്ചിരുന്നു.

Content Highlights: NorthEast United FC advanced to the Durand Cup quarter-finals., Won the final group match against FC 1 with a 3-1 scoreline