കോടീശ്വരിയായി കശ്വി; ഒന്നും കാണാതെയല്ല ഗുജറാത്ത് കാശെറിഞ്ഞത്

വനിതാ പ്രീമിയര്‍ ലീഗ് താരലേലത്തിനിടെ ഒരു ഇരുപതുകാരിക്കുവേണ്ടി ഭയങ്കര പോരാട്ടം നടന്നു. ഗുജറാത്ത് ജയന്റ്സായിരുന്നു ഒരുവശത്ത്. യു.പി. വാരിയേഴ്സ് മറുവശത്തും. കടുത്ത പോരാട്ടത്തിനൊടുവില്‍ ഗുജറാത്ത് ജയന്റ്സ് ജയിച്ചു. വമ്പന്മാര്‍ക്കു മുന്നില്‍ പിടിച്ചുനില്‍ക്കാനാവാതെ യു.പി. വാരിയേഴ്സ് പിന്‍വാങ്ങി. 

ഗുജറാത്തിനെ മോഹിപ്പിച്ച ആ ഇരുപതുകാരി ആരാണെന്നല്ലേ. അത്ര കേട്ടിരിക്കാന്‍ ഇടയില്ലാത്ത ഒരു പേരാണ്. കശ്​വി ഗൗതം. താരലേലത്തില്‍ രണ്ട് കോടിക്ക് ഗുജറാത്ത് സ്വന്തമാക്കിയതിനു പിന്നാലെയാണ് കശ്​വിയെക്കുറിച്ചുള്ള അന്വേഷണം സെര്‍ച്ച് എന്‍ജിനില്‍ ചൂടുപിടിച്ചതുതന്നെ. വിളിച്ചെടുത്ത കാശ് മുതലാവാന്‍ മാത്രം അത്ര കേമിയാണോ ഈ കശ്​വി? ക്രിക്കറ്റില്‍ എന്താണ് അവളുടെ നേട്ടം? അതിനുത്തരം കിട്ടാന്‍ ചുരുങ്ങിയത് 2020-ലേക്കെങ്കിലും മടങ്ങിപ്പോകണം. 

Content Highlights: wpl auction 2024, kashvee gautam becom most expensive uncapped player, detailed story