ചായക്കട തുടങ്ങിയോയെന്ന് സഞ്ജു; 'ഒരു ചായ ചേട്ടാ' എന്ന് രാഹുലിന്റെ മറുപടി

ക്രൈസ്റ്റ്ചർച്ച്‌: ന്യൂസീലൻഡുമായുള്ള ക്രിക്കറ്റ് പരമ്പരയുടെ ഭാഗമായി ഇന്ത്യൻ ടീം കഴിഞ്ഞ ദിവസം ന്യൂസീലൻഡിലെത്തിയിരുന്നു. ആദ്യ രണ്ട് ട്വന്റി 20 മത്സരങ്ങൾ നടക്കുന്ന ക്രൈസ്റ്റ്ചർച്ചിലാണ് ടീം എത്തിയത്. ഇതിന്റെ വീഡിയോ ബിസിസിഐ സോഷ്യൽ മീഡിയയിൽ പങ്കുവെച്ചിരുന്നു.

ഈ വീഡിയോയിലുള്ള സഞ്ജു സാംസണും കെ.എൽ രാഹുലുമുള്ള രസകരമായ ഒരു നിമിഷമാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്. 'ചായക്കട തുടങ്ങിയോ?' എന്ന് സഞ്ജു ചോദിക്കുമ്പോൾ 'ഒരു ചായ ചേട്ടാ' എന്ന് രാഹുൽ മറുപടി പറയുന്നത് വീഡിയോയിൽ കാണാം. പിന്നാലെ സഞ്ജു രസകരമായി 'ചായ, ചായ, ചായേ...' എന്ന് പറയുന്നതും കേൾക്കാം.

ഇതിന് താഴെ ഒട്ടേറെപ്പേരാണ് കമന്റ് ചെയ്തിരിക്കുന്നത്. രാഹുൽ മലയാളം പഠിച്ചോ എന്നായിരുന്നു ഒരു കമന്റ്. 'ജസ്റ്റ് മല്ലു തിങ്‌സ്', 'ഫേവറൈറ്റ് കോമ്പോ' എന്നെല്ലാം ആളുകൾ കമന്റ് ചെയ്തിട്ടുണ്ട്.

അഞ്ച് വീതം ട്വന്റി 20, ഏകദിന മത്സരങ്ങളും രണ്ട് ടെസ്റ്റുമാണ് പര്യടനത്തിലുള്ളത്. ആറ് ആഴ്ചകളിലായി നടക്കുന്ന പര്യടനം ട്വന്റി 20 പരമ്പരയോടെയാണ് ആരംഭിക്കുന്നത്. ഒക്ടോബർ 22 മുതൽ നവംബർ ഒന്ന് വരെയാണ് ട്വന്റി 20 മത്സരങ്ങൾ. നവംബർ നാല് മുതൽ 15വരെ ഏകദിനങ്ങൾ നടക്കും. ഇതിനുശേഷമായിരിക്കും ടെസ്റ്റ് മത്സരം.

Content Highlights: Sanju Samson and KL Rahul's funny interaction caught on camera in New Zealand., Sanju asks 'Did you start a tea shop?' to which Rahul replies 'One tea brother'., Video shared by BCCI has gone viral on social media with fans reacting to Malayalam references., India's tour of New Zealand includes 5 T20s, 5 ODIs, and 2 Tests starting from October 22.