മൗണ്ടനീയറിംഗ് പഠിക്കണം, എവറസ്റ്റ് കൊടുമുടി കീഴടക്കണം, അതിനായി നിധിൻ ചായ വിൽക്കുകയാണ്

തൃശ്ശൂരിൽ ദേശീയപാത വഴി പോകുന്ന യാത്രക്കാർ പുഴയ്ക്കലില്‍ എത്തുമ്പോൾ ഒന്ന് ശ്രദ്ധിച്ചാൽ റോഡരികിൽ ഒരുകുഞ്ഞ് ഉന്തുവണ്ടിയും അതിൽ പ്രവർത്തിക്കുന്ന ചായക്കടയും കാണാം. വെറും ചായക്കടയെന്നുകരുതി തള്ളിക്കളയേണ്ട. നിധിൻ മാളിയേക്കൽ എന്ന ചെറുപ്പക്കാരന്റെ സ്വപ്നങ്ങളിലേക്കുള്ള ഒരു പടിയാണത്. നിധിന് ഒരു ആ​ഗ്രഹമുണ്ട്. പ്ലസ് ടു കാലം മുതൽ ഉള്ളിലൊളിപ്പിച്ച്, ഊതിയൂതി കനൽ പോലെയാക്കിയെടുത്ത ആ സ്വപ്നത്തിന് പേര് എവറസ്റ്റ് കൊടുമുടിയെന്നാണ്. മൗണ്ടനീയറിം​ഗ് പഠിക്കണം, ശേഷം എവറസ്റ്റ് കൊടുമുടി കീഴടക്കണം. അതിനുള്ള പണം കണ്ടെത്താനാണ് ഈ ആമ്പല്ലൂരുകാരൻ ദേശീയപാതയോരത്ത് ചായക്കച്ചവടം തുടങ്ങിയത്. 2021-ജനുവരിയിൽ ലോക്ക്ഡൗൺ കാലത്ത് പഴയ ഹെർക്കുലീസ് സൈക്കിളിൽ കശ്മീരിലേക്കും കഴിഞ്ഞവർഷം ലോകത്തെ ഏറ്റവും ഉയർന്ന സഞ്ചാരയോ​ഗ്യമായ പാതയായ  ഉംലിങ് ലായിലേക്കും യാത്രചെയ്ത അനുഭവമുണ്ട് നിധിന്. ഇതിൽ ചായ വിറ്റുകൊണ്ട് നടത്തിയ കശ്മീർ യാത്ര ശ്രദ്ധയിൽപ്പെട്ട സന്തോഷ് ജോർജ് കുളങ്ങര രണ്ടുവേദികളിൽ നിധിന്റെ പേരെടുത്ത് പറഞ്ഞു. സംവിധായകൻ ജീത്തു ജോസഫ് കൂമൻ എന്ന ചിത്രത്തിൽ അസിസ്റ്റന്റ് ഡയറക്ടറാക്കി. അങ്ങനെ പല കഥകളും പറയാനുണ്ട് നിധിന്. ആ കഥ ഈ ചെറുപ്പക്കാരൻ മാതൃഭൂമി ഡോട്ട് കോമുമായി പങ്കുവെയ്ക്കുന്നു.

ചായ വിറ്റുകൊണ്ടുള്ള കശ്മീർ യാത്രയ്ക്ക് ശേഷം...

Content Highlights: nidhin maliyekkal's cycle travels, interview with chai selling traveller, nidhin everest summit