മുംബൈ ഇന്ത്യന്‍സ് 5.25 കോടി വിളിച്ച ഖലീലിനെ കിട്ടിയത് ഡല്‍ഹിക്ക്; അവതാരകന് സംഭവിച്ചത് അബദ്ധമോ?
ബെംഗളൂരു: ഐപിഎല്‍ താരലേലത്തിനിടെ അവതാരകന് സംഭവിച്ച ഒരു അബദ്ധം സോഷ്യല്‍ മീഡിയയില്‍ ചര്‍ച്ചയാകുന്നു. ഇന്ത്യന്‍ പേസ് ബൗളര്‍ ഖലീല്‍ അഹമ്മദിനെ ലേലംചെയ്യുന്ന സമയത്താണ് അവതാരകന് ചാരു ശര്‍മ്മയ്ക്ക് അബദ്ധം സംഭവിച്ചത്. ഇതോടെ 5.25 കോടി രൂപയ്ക്ക് മുംബൈ ഇന്ത്യന്‍സില്‍ എത്തേണ്ട താരം ഡല്‍ഹി ക്യാപിറ്റല്‍സിലേക്ക് പോയി.
ഐപിഎല്‍ താരലേലത്തിന്റെ നേരത്തെ നിശ്ചയിച്ചിരുന്ന അവതാരകന് ലണ്ടനില്‍ നിന്നുള്ള ഹ്യൂഗ് എഡ്‌മെഡെസ് കുഴഞ്ഞു വീണതിനെ തുടര്‍ന്ന് പകരക്കാരനായി എത്തിയതായിരുന്നു ചാരു ശര്‍മ. ക്രിക്കറ്റ് കമന്റേറ്ററും പ്രോ കബഡി ലീഗ് ഡയറക്ടറുമായ ചാരു മികച്ച രീതിയില്‍തന്നെ ലേല നടപടികളുടെ നിയന്ത്രണം ഏറ്റെടുത്തു.