ഭീമമായ ടിപ്പ് തുക നിരസിച്ചു; യാത്രാക്കൂലി മാത്രം സ്വീകരിച്ച് ഡ്രൈവർ, ധാർമികതയ്ക്ക് കയ്യടി | VIDEO

ഒരു യു.എസ് വ്ലോ​ഗർ പങ്കുവെച്ച റീൽ ആണ് ഇപ്പോൾ സാമൂഹികമാധ്യമങ്ങളിൽ വൈറൽ. ഒരു ഇന്ത്യൻ ടാക്സി ഡ്രൈവർ വ്ലോ​ഗർ നൽകിയ ഭീമമായ ടിപ്പ് തുക നിരസിക്കുന്നതാണ് ദൃശ്യങ്ങളിലുള്ളത്. തന്റെ യാത്രാക്കൂലി മാത്രം വാങ്ങിയ ഡ്രൈവർ ബാക്കി തുക വ്ലോ​ഗർക്ക് തിരികെ നൽകി മടങ്ങിയതായാണ് റിപ്പോർട്ടുകൾ സൂചിപ്പിക്കുന്നത്. 

വലിയ ടിപ്പ് നൽകി ഡ്രൈവറെ അത്ഭുതപ്പെടുത്തുന്നു എന്ന അടിക്കുറിപ്പോടെയാണ് വ്ലോ​ഗർ വീഡിയോ പങ്കുവെച്ചത്. എത്ര രൂപയാണ് താൻ നൽകേണ്ടതെന്ന് വ്ലോ​ഗർ ഡ്രൈവറോട് ചോ​ദിച്ചു. വ്ലോഗർക്ക് ന്യായമെന്ന് തോന്നുന്ന ഒരു തുക നൽകാനായിരുന്നു ഡ്രൈവറുടെ മറുപടി. അതിനുശേഷം, 8,500 രൂപ ഇദ്ദേഹം കൈമാറുകയും ചെയ്തു. 

എന്നാൽ, ഇത്രയും വലിയ തുക ലഭിച്ചെങ്കിലും യാത്രാക്കൂലിയായ വെറും 1,250 രൂപ മാത്രം മതിയെന്ന് ഡ്രൈവർ പറഞ്ഞു. അതേസമയം, ഈ ടിപ്പ് തുക മാതാപിതാക്കൾക്ക് നൽകൂ എന്ന് വ്ലോ​ഗർ പറയുന്നത് വീഡിയോയിൽ കാണാം. വീഡിയോ വൈറലായതോടെ ഒട്ടേറെ പേർ ഡ്രൈവറുടെ സത്യസന്ധതയെയും ധാർമ്മികതയെയും പ്രശംസിച്ചുകൊണ്ട് രം​ഗത്തെത്തി. 

Content Highlights: Indian Taxi Driver's Integrity Shines: Rejects Excessive Tip, Accepts Only Fare