മുപ്പതാണ്ട് നീറ്റിയ കൂട്ടബലാത്സംഗം; വീരപ്പന്റെ പേരിൽ ചവിട്ടിമെതിച്ച വാച്ചാത്തിക്ക് നീതി ലഭിക്കുമ്പോൾ
മൂന്ന് പതിറ്റാണ്ടുകള് മുമ്പ് ഒരു കൂട്ടം കാപാലികർ നടത്തിയ കൊടുംപീഡനത്തെ കുറിച്ച് ഓര്ക്കുമ്പോള് തമിഴ്നാട്ടിലെ ധര്മ്മപുരി ജില്ലയിലെ വാച്ചാത്തി ഗ്രാമം ഇപ്പോഴും നടുങ്ങും. ഗ്രാമത്തിലെ പുരുഷന്മാരെ മുഴുവന് ക്രൂരമായി മര്ദിച്ച് ആട്ടിപ്പായിച്ച ശേഷം വാച്ചാത്തിയിലെ സ്ത്രീകളെ ബലാത്സംഗം ചെയ്ത് കുടിലുകള് ചുട്ടെരിച്ച ഭരണകൂട ക്രൂരതയോട് പതിറ്റാണ്ടുകള് നീണ്ട നിയമപോരാട്ടത്തിലൂടെയാണ് അവര് നീതി നേടിയെടുത്തിരിക്കുന്നത്. പ്രതികളുടെ അപ്പീലുകള് തള്ളിക്കൊണ്ട് തമിഴ്നാട് ഹൈക്കോടതി കഴിഞ്ഞ ദിവസം പുറപ്പെടുവിച്ച വിധിയില് 215 പോലീസ്, വനംവകുപ്പ് ഉദ്യോഗസ്ഥരെയാണ് ശിക്ഷിച്ചിരിക്കുന്നത്. ഐ.എഫ്.എസ്. ഉദ്യോഗസ്ഥര് മുതല് പോലീസ് കോണ്സ്റ്റബിള്മാര് വരെയുള്ള ഉദ്യോഗസ്ഥരാണ് ആദിവാസി സ്ത്രീകളെ കെട്ടിയിട്ട് കൂട്ട ബലാത്സംഗം ചെയ്ത ഈ കേസില് ശിക്ഷിക്കപ്പെട്ടിരിക്കുന്നത്. ഇന്ത്യന് ചരിത്രത്തിലെ തന്നെ ഏറ്റവും ക്രൂരമായ ഭരണകൂട വേട്ടയായിരുന്നു വീരപ്പന്റെ പേരില് ഈ ഉദ്യോഗസ്ഥര് വാച്ചാത്തി എന്ന ആദിവാസി ഗ്രാമത്തില് നടത്തിയത്.
Content Highlights: Vachathi brutality 1992 , CPIM, tamil nadu, veerappan hunt