ഓക്‌സിജന്‍ നിശ്വസിക്കുന്ന പശു, വിദ്വേഷ പ്രസംഗം; ജസ്റ്റിസ് ശേഖര്‍ യാദവിന്റെ ഇംപീച്ച്മെന്റ് സാധ്യമോ?

വിശ്വഹിന്ദു പരിഷത്തിന്റെ പരിപാടിയില്‍ പങ്കെടുത്ത് വിദ്വേഷ പ്രസംഗം നടത്തിയ അലഹബാദ് ഹൈക്കോടതി ജഡ്ജി ജസ്റ്റിസ് ശേഖര്‍ കുമാര്‍ യാദവിനോട് നേരിട്ട് ഹാജരായി വിശദീകരണം നല്‍കാന്‍ ആവശ്യപ്പെട്ടിരിക്കുകയാണ് സുപ്രീം കോടതി കൊളീജിയം. ജസ്റ്റിസ് യാദവിനെ ഇംപീച്ച് ചെയ്യാന്‍ ഇന്ത്യ സഖ്യം നടപടിയാരംഭിച്ചിരിക്കെയാണ് സുപ്രീം കോടതി കൊളീജിയവും വിഷയത്തില്‍ ഇടപെട്ടിരിക്കുന്നത്. കൊളീജിയത്തിന് മുന്‍പാകെ ജസ്റ്റിസ് യാദവ് ഈ മാസം 17ന് ഹാജരാവുമെന്നാണ് സൂചന. വിവാദത്തിനിടയായ നടപടികള്‍ ചീഫ് ജസ്റ്റിസ് അധ്യക്ഷനായ കൊളീജിയത്തിന് മുന്‍പാകെ വിശദീകരിക്കാന്‍ അവസരം നല്‍കും. ജഡ്ജിയോട് വിശദകരണം തേടാനും തൃപ്തികരമല്ലെങ്കില്‍ താക്കീത് നല്‍കുകയോ സ്ഥലംമാറ്റം പോലുള്ള നടപടിക്കോ കേന്ദ്ര സര്‍ക്കാരിനോട് ശുപരാര്‍ശ ചെയ്യാനും സുപ്രീം കോടതി കൊളീജിയത്തിന് കഴിയും. എന്നാല്‍ ജഡ്ജിയെ പുറത്താക്കുന്നത് പോലുള്ള നടപടികള്‍ക്ക് രാഷ്ട്രപതിക്ക് മാത്രമേ അധികാരമുള്ളൂ. അതിന് പാര്‍ലമെന്റിലെ ഇരുസഭകളിലും കൃത്യമായ ഭൂരിപക്ഷത്തോടെ പ്രമേയം പാസാകണം.

വി.എച്ച്.പി വേദിയിലെ പ്രസംഗം

Content Highlights: justice shekhar yadav hc judge behind the controversial majority rules and cow exhales oxygen