നോർത്ത് ഫീൽഡ് വെസ്റ്റ് എൽഎൻജി പദ്ധതിയുടെ ഇപിസി കരാർ ഖത്തർ എനർജിക്ക്

ദോഹ: ലോകത്തിലെ ഏറ്റവും വലിയ ദ്രവീകൃത പ്രകൃതിവാതക (LNG) പദ്ധതിയുടെ വികസനത്തിന്റെ ഭാഗമായ നോർത്ത് ഫീൽഡ് വെസ്റ്റ് (NFW) പദ്ധതിയുടെ LNG പ്ലാന്റിനായുള്ള എഞ്ചിനീയറിംഗ്, സംഭരണ-നിർമ്മാണ (EPC) കരാർ ഖത്തർ എനർജിക്ക്. ഇത് ഖത്തറിന്റെ മൊത്തം എൽഎൻജി ഉത്പാദനം പ്രതിവർഷം 142 ദശലക്ഷം ടൺ (MTPA) ആയി ഉയർത്തുന്ന വികസന പദ്ധതികളിൽ അവസാനത്തേതാണ്.

EPC കരാറിൽ 16 MTPA സംയോജിത ഉത്പാദന ശേഷിയുള്ള രണ്ട് LNG മെഗാ ട്രെയിനുകളും ഗ്യാസ് ട്രീറ്റ്മെന്റ്,  ഹീലിയം വേർതിരിക്കൽ എന്നിവയ്ക്കുള്ള അനുബന്ധ സൗകര്യങ്ങളും ഉൾപ്പെടുന്നു. LNG ഉത്പാദനത്തിനു പുറമെ, പ്രതിദിനം ഏകദേശം 175,000 ബാരൽ കണ്ടൻസേറ്റ്, ഈഥേൻ, ലിക്വിഫൈഡ് പെട്രോളിയം ഗ്യാസ് (LPG) എന്നിവയുടെ തുല്യമായ എണ്ണ ഉത്പാദനവും ഈ പദ്ധതിയിൽ നിന്ന് പ്രതീക്ഷിക്കുന്നു.

ടെക്നിപ് എനർജീസ്, കൺസോളിഡേറ്റഡ് കോൺട്രാക്ടർ കമ്പനി (CCC), ഗൾഫ് ഏഷ്യ കോൺട്രാക്ടർ (GAC) എന്നിവ ഉൾപ്പെട്ട ഒരു സംയുക്ത സംരംഭത്തിനാണ് EPC കരാർ നൽകിയിരിക്കുന്നത്. ദോഹയിലെ ഖത്തർ എനർജിയുടെ ആസ്ഥാനത്ത് നടന്ന ചടങ്ങിലാണ് ഈ കരാർ പ്രഖ്യാപിച്ചത്. ഖത്തർ എനർജി, ഖത്തർഎനർജി LNG, വിവിധ കമ്പനികളിലെ മുതിർന്ന ഉദ്യോഗസ്ഥരടക്കം ചടങ്ങിൽ പങ്കെടുത്തു.

ഊർജ്ജകാര്യ മന്ത്രിയും ഖത്തർഎനർജിയുടെ പ്രസിഡന്റും സിഇഒയുമായ സാദ് ഷെരിദ അൽ-കഅബി, ടെക്നിപ് എനർജീസ് സിഇഒ അർനോ പിയേറ്റൺ, സിസിസി ചെയർമാൻ സമർ ഖൗറി, ജിഎസി ചെയർമാനും മാനേജിംഗ് ഡയറക്ടറുമായ ഡോ. രവി പിള്ള എന്നിവരാണ് കരാറിൽ ഒപ്പുവെച്ചത്.

Content Highlights: QatarEnergy has awarded the EPC contract for its North Field West (NFW) LNG plant.