ഐ.വൈ.സി.സി ബഹ്റൈൻ പ്രതിഷേധ സംഗമം സംഘടിപ്പിച്ചു

മനാമ : രാഹുൽ ഗാന്ധിക്കും മറ്റ് മുതിർന്ന കോൺഗ്രസ് നേതാക്കൾക്കും നേരെ ഡൽഹി പോലീസിനെ ഉപയോഗിച്ച് കേന്ദ്ര സർക്കാർ നടപ്പിലാക്കിയ നടപടി പൂർണ്ണമായും ജനാധിപത്യവിരുദ്ധമാണെന്ന് ഐ.വൈ.സി.സി ബഹ്റൈൻ ദേശീയ കമ്മിറ്റി അഭിപ്രായപ്പെട്ടു. ക്രമക്കേടുകളുടെ ഉത്തരവാദിത്തമേറ്റെടുത്ത് കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ ഉടനടി രാജിവെക്കണമെന്ന് ആവശ്യപ്പെട്ടും, പോലീസ് അതിക്രമത്തിൽ പ്രതിഷേധിച്ച് മെഴുകുതിരി തെളിയിച്ചും ഐ.വൈ.സി.സി പ്രതിഷേധ സംഗമം സംഘടിപ്പിച്ചു.

ദശലക്ഷക്കണക്കിന് വിദ്യാർത്ഥികളുടെ ഭാവി അനിശ്ചിതത്വത്തിലാക്കിയ പരീക്ഷാ ക്രമക്കേടുകൾക്കെതിരെ ചോദ്യങ്ങൾ ചോദിക്കുന്ന പ്രതിപക്ഷ ശബ്ദങ്ങളെ അടിച്ചമർത്താനാണ് കേന്ദ്ര ഭരണകൂടം ശ്രമിക്കുന്നത്. രാജ്യത്തെ ജനാധിപത്യ മൂല്യങ്ങളെ തച്ചുടയ്ക്കുന്ന ഇത്തരം നടപടികൾക്കെതിരെ ശക്തമായ ജനവികാരം ഉയർന്നുവരണമെന്ന് സംഗമത്തിൽ സംസാരിച്ച നേതാക്കൾ ആവശ്യപ്പെട്ടു.

പ്രതിഷേധ സംഗമത്തിന് ജനറൽ സെക്രട്ടറി സലീം അബുത്വാലിബ്, ട്രഷറർ ഷഫീക് സൈഫുദ്ധീൻ, ജോയിന്റ് സെക്രട്ടറി രഞ്ജിത്ത് മാഹി, മുൻ ദേശീയ പ്രസിഡന്റ്മാരായ ബ്ലെസ്സൺ മാത്യു, ഫാസിൽ വട്ടോളി, ഷിബിൻ തോമസ് എന്നിവരും ദേശീയ, ഏരിയ നേതാക്കളും നേതൃത്വം നൽകി.

Content Highlights: IYCC Bahrain organized a candlelight protest meeting condemning the Delhi Police action against Rahul Gandhi and senior Congress leaders while demanding the immediate resignation of Union Education Minister Dharmendra Pradhan.