ചൈനയെ പുകഴ്ത്തിയും ഇന്ത്യയെ ഇകഴ്ത്തിയും യൂനുസിന്റെ വിടവാങ്ങൽ പ്രസംഗം
ധാക്ക: ബംഗ്ലാദേശിൽ ബിഎൻപി അധികാരത്തിലെത്തുന്നതോടെ പുറത്തുപോകുന്ന ഇടക്കാലനേതാവ് മുഹമ്മദ് യൂനുസ് കടുത്ത ആരോപണങ്ങളാണ് നേരിടുന്നത്. രാജ്യത്ത് ജനാധിപത്യപരമായ സ്ഥിതിഗതികൾ പൂർണ്ണമായി പുനഃസ്ഥാപിക്കുന്നതിലും ദുർബലരായ ന്യൂനപക്ഷങ്ങളെ സംരക്ഷിക്കുന്നതിലും പരാജയപ്പെട്ടുവെന്ന് വിമർശനം നേരിടുന്ന യൂനുസ് വിടവാങ്ങൽ പ്രസംഗത്തിൽ ഇന്ത്യയുടെ വടക്കുകിഴക്കൻ മേഖലയെക്കുറിച്ച് പരോക്ഷവും പ്രകോപനപരവുമായ പരാമർശങ്ങൾ നടത്തി. തന്റെ നേതൃത്വത്തിലുള്ള ഇടക്കാലസർക്കാരിന്റെ കീഴിൽ ബംഗ്ലാദേശ് വിദേശനയത്തിന്റെ കാര്യത്തിൽ പരമാധികാരം, അന്തസ്സ്, സ്വാതന്ത്ര്യം എന്നിവ വീണ്ടെടുത്തുവെന്നും ഇനി ബംഗ്ലാദേശിന്
മറ്റുള്ളവരുടെ നിർദ്ദേശങ്ങൾ ആവശ്യമില്ലെന്നും യൂനുസ് അവകാശപ്പെട്ടു. പൊതുതത്വമായാണ് അവതരിപ്പിച്ചെങ്കിലും ഈ പരാമർശങ്ങൾ ഇന്ത്യയെ ഉദ്ദേശിച്ചുള്ളതാണെന്നാണ് വ്യാപകമായി വ്യാഖ്യാനിക്കപ്പെടുന്നത്.
നേപ്പാൾ, ഭൂട്ടാൻ, സപ്തസഹോദരിമാർ (ഇന്ത്യയുടെ വടക്കുകിഴക്കൻ സംസ്ഥാനങ്ങൾ) എന്നിവ ഉൾപ്പെടുന്ന ഭാവിയിലെ സാമ്പത്തിക സംയോജനത്തെക്കുറിച്ച് യൂനുസ് സംസാരിച്ചു. ഇന്ത്യയുടെ അവിഭാജ്യ ഘടകമായ ഇന്ത്യയുടെ വടക്കുകിഴക്കൻ സംസ്ഥാനങ്ങളെ പരമാധികാര രാജ്യങ്ങളോടൊപ്പം ഒരു സാമ്പത്തിക കാഴ്ചപ്പാടിൽ ഉൾപ്പെടുത്തിയതിലൂടെ യൂനുസ് ഇന്ത്യയെ പ്രകോപിപ്പിക്കാനും തിരഞ്ഞെടുക്കപ്പെട്ട പുതിയ സർക്കാരിന്റെ കീഴിൽ ഇന്ത്യ-ബംഗ്ലാദേശ് ബന്ധങ്ങൾ പുനഃക്രമീകരിക്കാനും ശ്രമിക്കുന്നതായാണ് വ്യാഖ്യാനിക്കപ്പെടുന്നത്.
കൂടാതെ യൂനുസ് തന്ത്രപരമായ സന്തുലിതാവസ്ഥയെപ്പറ്റിയും ചൈന, ജപ്പാൻ, അമേരിക്ക, യൂറോപ്പ് എന്നിവരുമായുള്ള ബന്ധം ശക്തിപ്പെടുത്തുന്നതിനെക്കുറിച്ചും എടുത്തുപറഞ്ഞു. ചൈന പിന്തുണയ്ക്കുന്ന പദ്ധതികളിലെ പുരോഗതി അദ്ദേഹം ഉദ്ധരിച്ചു. ഇന്ത്യയുടെ തന്ത്രപ്രധാനമായ സിലിഗുരി ഇടനാഴിക്ക് സമീപം സ്ഥിതി ചെയ്യുന്ന ടീസ്ത നദി പദ്ധതി പോലുള്ളവയെ കുറിച്ച് യൂനുസ് പ്രത്യേകപരാമർശം നടത്തി.
“ഞങ്ങൾ ചൈനയുമായുള്ള സഹകരണം കൂടുതൽ ശക്തിപ്പെടുത്തിയിട്ടുണ്ട്. ടീസ്ത നദി പദ്ധതിയിലും നിൽഫാമാരിയിലെ 1,000 ബെഡ്ഡുള്ള അന്താരാഷ്ട്ര ആശുപത്രിയുടെ കാര്യത്തിലും കാര്യമായ പുരോഗതിയുണ്ടായിട്ടുണ്ട്," യൂനുസ് പറഞ്ഞു. ഏത് ആക്രമണത്തെയും നേരിടാൻ ബംഗ്ലാദേശ് തന്റെ സായുധസേനയെ ശക്തിപ്പെടുത്താൻ തുടങ്ങിയതായും യൂനുസ് പ്രസ്താവിച്ചു.
അതേസമയം, ഇടക്കാല ഭരണകൂടം അതിന്റെ പ്രധാന വാഗ്ദാനമായ ജനാധിപത്യപരമായ വിശ്വാസം പുനഃസ്ഥാപിക്കുന്നതിലും എല്ലാ പൗരന്മാർക്കും അടിസ്ഥാന സുരക്ഷ ഉറപ്പാക്കുന്നതിലും പരാജയപ്പെട്ടുവെന്ന് വിമർശകർ വാദിക്കുന്നു. പ്രത്യേകിച്ചും, പ്രക്ഷോഭാനന്തര കാലഘട്ടത്തിൽ ഇസ്ലാമിക തീവ്രവാദ ഗ്രൂപ്പുകൾ നടത്തിയതാരോപിക്കപ്പെട്ട ക്ഷേത്രങ്ങളുടെ നാശം, ലക്ഷ്യം വെച്ചുള്ള അതിക്രമങ്ങൾ, ഭീഷണിപ്പെടുത്തൽ എന്നിവ ഉൾപ്പെടെ വിവിധ ജില്ലകളിലെ ന്യൂനപക്ഷ ഹിന്ദുക്കൾക്കെതിരെയുണ്ടായ തുടർച്ചയായ ആക്രമണങ്ങളെ വിമർശകർ ചൂണ്ടിക്കാട്ടുന്നു. ഭരണകൂടത്തിന്റെ ഭാഗത്ത് നിന്ന് മെല്ലപ്പോക്ക്, നിയമത്തിന്റെ തിരഞ്ഞെടുക്കപ്പെട്ട നടപ്പാക്കൽ, മുൻ ഭരണകൂടത്തിന്റെ തകർച്ചയ്ക്ക് ശേഷം ധൈര്യശാലികളായ തീവ്രവാദ ശക്തികളെ നേരിടാൻ വിസമ്മതിച്ചുവെന്നും മനുഷ്യാവകാശ ഗ്രൂപ്പുകളും ന്യൂനപക്ഷ പ്രതിനിധികളും ആരോപിച്ചു.
Content Highlights: Yunus`s farewell speech sparks controversy with remarks on India`s Northeast and strategic alliances. Explore Bangladesh`s shifting foreign policy under interim leadership.