അരനൂറ്റാണ്ടിന്റെ 'കള്ളം'; ലോകത്തെ കരയിച്ച ആ ചിത്രമെടുത്തത് ആര്?

ഉടുത്തിരുന്ന വസ്ത്രം ബോംബ് സ്‌ഫോടനത്തില്‍ എരിഞ്ഞ്, നഗ്നമായ ശരീരത്തില്‍ അതിമാരകമായ നാപാം മിശ്രിതം വീണ്  പൊള്ളി അലറിക്കരഞ്ഞുകൊണ്ട് ഓടി വരുന്ന ഒരു കൊച്ചു പെണ്‍കുട്ടി... വിയറ്റ്‌നാം യുദ്ധകാലത്ത് പുറത്തുവന്ന അനേകം ചിത്രങ്ങളില്‍ ഒന്നുമാത്രമായിരുന്നു അത്. എന്നാല്‍, ആ ചിത്രത്തിന്റെ തീവ്രത കൊണ്ട്, ആ പെണ്‍കുട്ടി ലോകത്തിന്റെ നൊമ്പരമായി മാറി. യുദ്ധവിരുദ്ധതയുടെ പ്രതീകമായി മാറി. ലോകപോലീസ് ചമയുന്ന അമേരിക്കയുടെ യുദ്ധവെറിയുടെ അടയാളമായി മാറി.. അവള്‍ പിന്നീട് നാപാം പെണ്‍കുട്ടിയെന്ന് അറിയപ്പെട്ടു.. യുഎസ് വാര്‍ത്താ ഏജന്‍സിയായ എപി 1972ല്‍ പ്രസിദ്ധീകരിച്ച ചിത്രം വളരെ പെട്ടെന്ന് ലോകശ്രദ്ധ പിടിച്ചുപറ്റി.

എപിയുടെ ഫോട്ടോഗ്രാഫറായിരുന്ന നിക് ഉട്ടിന് 1973-ല്‍ വേള്‍ഡ് പ്രസ് ഫോട്ടോ ഓഫ് ദ ഇയർ പുലിറ്റ്‌സറും ഉള്‍പ്പടെ നിരവധി അംഗീകാരങ്ങള്‍ ഈ ചിത്രം നേടിക്കൊടുത്തു. വിയറ്റ്‌നാം യുദ്ധത്തിനെതിരെ ലോകത്തിലുടനീളം വലിയ ജനരോഷം ഉയരാന്‍ ഈ ചിത്രം കാരണമായി. ഒരര്‍ഥത്തില്‍ പറഞ്ഞാല്‍ വിയറ്റ്‌നാം യുദ്ധത്തിന്റെ ഗതിമാറ്റത്തിന് തന്നെ അവള്‍ കാരണക്കാരിയായി. വിയറ്റ്‌നാം യുദ്ധം അവസാനിച്ച് പതിറ്റാണ്ടുകള്‍ പിന്നിടുമ്പോഴും യുദ്ധവിരുദ്ധതയുടെ പ്രതീകമായി നാപാം പെണ്‍കുട്ടി എന്ന ചിത്രം നിലനില്‍ക്കുന്നു. ഇപ്പോഴിതാ നാപാം പെണ്‍കുട്ടി വീണ്ടും ലോകത്തിന്റെ ശ്രദ്ധാകേന്ദ്രമാവുകയാണ്. അത്, പക്ഷേ, യുദ്ധവിരുദ്ധതയുടെ ഭാഗമായല്ല, ഈ ചിത്രമെടുത്തത് ആരാണെന്ന തര്‍ക്കത്തിന്റെ പേരില്‍.. അതും ചിത്രം വെളിച്ചംകണ്ട് 50 വര്‍ഷങ്ങള്‍ക്കു ശേഷം.

Content Highlights: world press photo suspends attribution of historic vietnam war image nick ut napalm girl