ഒരു രേഖ പോലും അന്ന് ചോദിച്ചില്ല, എല്ലാവർക്കും വോട്ട്; ഓർക്കാം സുകുമാർ സെന്നിനെ

മുഖ്യതിരഞ്ഞെടുപ്പ് കമ്മിഷണർ ഗ്യാനേഷ് കുമാറിന്റെ രാജിയാവശ്യപ്പെട്ട് പ്രക്ഷോഭം ശക്തമാകവെ രാജ്യം ഓർക്കേണ്ട ഒരു പേരാണ് സുകുമാർ സെന്നിന്റേത്. ആദ്യ തിരഞ്ഞെടുപ്പ് കമ്മിഷണർ. പൊതുതിരഞ്ഞെടുപ്പുകളുടെ ചരിത്രത്തിൽ തങ്കലിപികളാൽ എഴുതപ്പെട്ട പേരുകളിലൊന്ന്. സ്വതന്ത്ര ഇന്ത്യയിലെ ആദ്യ തിരഞ്ഞെടുപ്പ് കമ്മിഷണറായ സുകുമാർ സെൻ 17 കോടി ഇന്ത്യക്കാരോട് ഒരു രേഖപോലും ചോദിക്കാതെ അവരെ വോട്ടർമാരാക്കി. ഇന്നാവട്ടെ, തിരഞ്ഞെടുപ്പു കമ്മിഷൻ പലവിധ രേഖകൾ ആവശ്യപ്പെടുന്നു. നിരാശ്രയനായ പൗരനെ വോട്ടർപട്ടികയിൽനിന്ന് വെട്ടിനീക്കുന്നു.

1947 ഓഗസ്റ്റ് പതിനഞ്ചിന് രാജ്യം സ്വതന്ത്രമാകുമ്പോൾ എത്രയുംവേഗം സ്വതന്ത്രവും നീതിപൂർവകവുമായ തിരഞ്ഞെടുപ്പ് നടത്തണമെന്ന ലക്ഷ്യമായിരുന്നു പ്രധാനമന്ത്രി ജവാഹർലാല് നെഹ്റു ഉൾപ്പെടെയുള്ള ഭരണാധികാരികൾക്ക്. 1949 നവംബർ 26-ന് ഇന്ത്യൻ ഭരണഘടനാ നിർമ്മാണസഭ ഭരണഘടന പാസ്സാക്കി. 1950 ജനുവരി 26-ന് ഔപചാരികമായി ഭരണഘടന നിലവിൽ വന്നു. ജനാധിപത്യപരമായി തിരഞ്ഞെടുക്കപ്പെട്ട പാർലമെന്റും സർക്കാരും രൂപീകരിക്കാൻ ദേശീയതിരഞ്ഞെടുപ്പ് നടത്തേണ്ട ആവശ്യകത ഭരണഘടന അടിവരയിട്ടു

Content Highlights: Sukumar Sen, India's first Chief Election Commissioner, played a pivotal role in conducting the country's first general elections without requiring any documentation from voters, a stark contrast to the current practices of the Election Commission. Despite the challenges of a newly independent nation with high illiteracy and poverty rates, Sen successfully implemented universal adult suffrage, ensuring every citizen over 21 could vote, setting a global precedent for democratic inclusion.