വാൻഡൈക്ക് വാഷിങ്ടണിൽ തിരിച്ചെത്തി; ജാമ്യം കിട്ടിയതോ എൻ.ഐ.എ. 'കൊടുത്തതോ'?

മാത്യു ആരോൺ വാൻഡൈക്കിനെ ഓർമ്മയില്ലേ? 2026 മാർച്ച് 13-ന് കൊൽക്കത്തയിലെ നേതാജി സുഭാഷ് ചന്ദ്രബോസ് അന്താരാഷ്ട്ര വിമാനത്താവളത്തിൽവെച്ച് നാഷണൽ ഇൻവെസ്റ്റിഗേഷൻ ഏജൻസി (എൻ.ഐ.എ.) അറസ്റ്റു ചെയ്ത, ബാൾട്ടിമോറിൽ നന്നുള്ള അമേരിക്കൻ പൗരൻ; സി.ഐ.എ. ബന്ധം ആരോപിക്കപ്പെടുന്നയാൾ. ഭീകരപ്രവർത്തനത്തിനുള്ള ഗൂഢാലോചന, തയ്യാറെടുപ്പ്, ശ്രമം തുടങ്ങിയവ ഉൾപ്പെടുന്ന യുഎപിഎയുടെ 18-ാം വകുപ്പു പ്രകാരമായിരുന്നു അറസ്റ്റ്. ഇനി പുറത്തുവരില്ലെന്നു പലരും കരുതിയ വാൻഡൈക്കിന് ജാമ്യം കിട്ടി; കഴിഞ്ഞ ദിവസം അയാൾ വാഷിംഗ്ടണിൽ തിരിച്ചെത്തുകയും ചെയ്തു.

അന്താരാഷ്ട്ര ശ്രദ്ധയാകർഷിച്ച ഈ കേസിൽ ജാമ്യത്തിനു വഴിതുറന്നത് കുറ്റപത്രത്തിലെ വകുപ്പുകളും കസ്റ്റഡി സമയപരിധിയുമാണ്. യു.എ.പി.എ. പ്രകാരമുള്ള 180 ദിവസത്തെ അന്വേഷണകാലാവധി അവസാനിക്കുന്ന സെപ്റ്റംബർ എട്ടിന് എൻ.ഐ.എ. സമർപ്പിച്ച കുറ്റപത്രത്തിൽ യു.എ.പി.എ. വകുപ്പുകൾ ഉൾപ്പെടുത്തിയിരുന്നില്ല; ഉണ്ടായിരുന്നത് ഇമിഗ്രേഷൻ, വിദേശി നിയമലംഘനങ്ങൾ മാത്രം. നിശ്ചിത കാലാവധിക്കുള്ളിൽ അന്വേഷണം പൂർത്തിയാക്കിയില്ലെന്ന കാരണത്താൽ സെപ്റ്റംബർ 18-ന് ഡൽഹി റൗസ് അവന്യൂ കോടതി വാൻഡൈക്കിന് ഡിഫോൾട്ട് ജാമ്യം (കാലാവധി തീർന്നാൽ പ്രതിക്ക് നിയമപരമായി ലഭിക്കുന്ന ജാമ്യം) അനുവദിച്ചു. ഇതേ ഉത്തരവിന്റെ അടിസ്ഥാനത്തിൽ ആറ് യുക്രൈൻകാർക്കും ആശ്വാസം ലഭിച്ചു.

Content Highlights: American citizen Matthew Van Dyke, arrested by the NIA over alleged terrorist conspiracy and CIA links, secured default bail after investigators failed to include UAPA charges within the statutory 180-day period.