നോണ്‍ വെജ് പാലിന് അനുമതി വേണം, പറ്റില്ലെന്ന് ഇന്ത്യ; പാൽനയത്തിൽ കുടുങ്ങി ഇന്ത്യ-യുഎസ് വ്യാപാര കരാർ

നോണ്‍ വെജ് പാലോ...! പാലുത്പന്നങ്ങളുടെ കൈമാറ്റവുമായി ബന്ധപ്പെട്ട ആശയക്കുഴപ്പത്തില്‍ കുടുങ്ങിയിരിക്കുകയാണ് ഇന്ത്യ-അമേരിക്ക വ്യാപാരക്കരാര്‍. ഇന്ത്യന്‍ വിപണി അമേരിക്കന്‍ ഡയറി ഉത്പന്നങ്ങള്‍ക്കായി തുറന്നുതരണമെന്നാണ് ട്രംപിന്റെ ആവശ്യം. എന്നാല്‍, നോണ്‍ വെജ് പാലുത്പന്നങ്ങള്‍ക്ക് വേണ്ടി ഇന്ത്യന്‍ വിപണി തുറന്നുവെയ്ക്കാനാവില്ലെന്നാണ് ഇന്ത്യയുടെ നിലപാട്. അമേരിക്കയില്‍ കന്നുകാലികളെ വളര്‍ത്തുന്ന രീതിയിലാണ് ഇന്ത്യ ഇടഞ്ഞിരിക്കുന്നത്. 2030-ഓടെ ഉഭയകക്ഷി വ്യാപാരം 500 ബില്യണ്‍ ഡോളറായി വര്‍ധിപ്പിക്കാന്‍ ഇന്ത്യയും യുഎസും ലക്ഷ്യമിടുന്നുണ്ടെങ്കിലും പാല്‍ ഉത്പന്നങ്ങളുടെ ഇറക്കുമതി സംബന്ധിച്ച ചര്‍ച്ചകള്‍ നിലച്ചിരിക്കുകയാണ്. സാംസ്‌കാരികമായ ആശങ്കകള്‍ ചൂണ്ടിക്കാട്ടിയാണ് യുഎസ് പാല്‍ ഉത്പന്നങ്ങള്‍ ഇന്ത്യ നിരസിക്കുന്നത്. 'സസ്യാഹാരമല്ലാത്ത പാല്‍' എന്നതാണ് ഇന്ത്യയുടെ പ്രശ്‌നം. ഇത് ചൂണ്ടിക്കാട്ടി അമേരിക്കയില്‍നിന്നുള്ള ഡയറി ഉത്പന്നങ്ങളുടെ ഇറക്കുമതിക്ക് ഇന്ത്യ അനുമതി നിഷേധിക്കുന്നു. എന്താണ് ഇന്ത്യയും അമേരിക്കയും തമ്മില്‍ പാലിനെ ചൊല്ലിയുള്ള പ്രശ്‌നം? അമേരിക്കന്‍ പാല്‍ എങ്ങനെ നോണ്‍ വെജ് ആയി? 

Content Highlights: Non-veg milk is the key sticking point in the India–US trade deal