ഇന്ത്യയുടെ സൈലന്റ് പോരാളി; പാകിസ്താനെ തരിപ്പണമാക്കിയ ആകാശ്തീര്‍
ഇരുണ്ട ആകാശത്ത് ഒരു പുതിയ പോരാളിയുണര്‍ന്നു. അത് ഒരു യുദ്ധവിമാനം പോലെ ഗര്‍ജിക്കുകയോ മിസൈല്‍ പോലെ മിന്നുകയോ ചെയ്തില്ല. അത് കേട്ടു, ശ്രദ്ധിച്ചു, നിര്‍ദേശം നല്‍കി പിന്നെ പ്രഹരിച്ചു. മെയ് ഒമ്പത്, പത്ത് രാത്രികളില്‍ പാകിസ്താന്‍ ഇന്ത്യക്കെതിരേ തങ്ങളുടെ ഏറ്റവും മാരകമായ ആക്രമണം നടത്തിയപ്പോള്‍, മിസൈലുകളുടെയും ഡ്രോണുകളുടെയും വലിയ ആക്രമണത്തെ തടഞ്ഞുനിര്‍ത്തിയത് ഈ അദൃശ്യമതിലായിരുന്നു- കഴിഞ്ഞ ദിവസം പ്രതിരോധമന്ത്രാലയം ഇന്ത്യയുടെ ആകാശ്തീര്‍ എന്ന തദ്ദേശീയ വ്യോമപ്രതിരോധ സംവിധാനത്തെ കുറിച്ച് പുറത്തിറക്കിയ വാര്‍ത്താക്കുറിപ്പില്‍ പറഞ്ഞ വാക്കുകളാണിത്.
ഇന്ത്യ-പാകിസ്താന്‍ സംഘര്‍ഷത്തിനിടെ എത്തിയ എല്ലാ ആക്രമണങ്ങളേയും തടയുകയും നിര്‍വീര്യമാക്കുകയും ചെയ്തതില്‍ നിര്‍ണായകമായ പങ്കാണ് പൂര്‍ണമായും തദ്ദേശീയവും ഓട്ടോമേറ്റഡും ആയ വ്യോമ പ്രതിരോധ നിയന്ത്രണ, റിപ്പോര്‍ട്ടിംഗ് സംവിധാനമായ ആകാശ്തീര്‍ നിര്‍വഹിച്ചത്. അതും എഐ സഹായത്തോടെ. ഇതോടെ എഐ സംവിധാനം ഉപയോഗിച്ച് ഇന്ത്യ നടത്തുന്ന ആദ്യ സൈനിക പ്രതിരോധം കൂടിയായി ആകാശ്തീരിന്റേത്.
Content Highlights: Akash-Teer India`s indigenous AI-based air defence system