ആറുവരിപ്പാതയില് വീണ്ടും വിള്ളല്; ഇക്കുറി മലപ്പുറം കാക്കഞ്ചേരിയില്
മലപ്പുറം:പുതിയ ആറുവരി ദേശീയപാതയില് വീണ്ടും വിള്ളല്. മലപ്പുറം ജില്ലയിലെ കാക്കഞ്ചേരി കിന്ഫ്ര ഫുഡ്പാർക്കിന് സമീപമാണ് വിള്ളല് കണ്ടത്. 25 മീറ്ററോളം നീളത്തിലാണ് കാക്കഞ്ചേരിയില് കാലിക്കറ്റ് യൂണിവേഴ്സിറ്റി ഭാഗത്തേക്കുള്ള പുതിയ പാതയില് വിള്ളലുണ്ടായിരിക്കുന്നത്.
ഇതിനിടെ, നിര്മാണ കമ്പനിയുടെ ജീവനക്കാരെത്തി വിള്ളുണ്ടായ ഭാഗം താത്കാലികമായി അടയ്ക്കാന് ശ്രമിച്ചെങ്കിലും നാട്ടുകാര് ഇത് തടഞ്ഞു. ദേശീയപാത അതോറിറ്റിയുടെ വിദഗ്ധസംഘം സ്ഥലത്തെത്തി പരിശോധന നടത്തണമെന്നാണ് നാട്ടുകാരുടെ ആവശ്യം. ഇതുവഴിയുള്ള ഗതാഗതവും താത്കാലികമായി വഴിതിരിച്ചുവിട്ടിട്ടുണ്ട്.