കോഴഞ്ചേരി പുതിയപാലത്തിലൂടെ ആദ്യം കടന്നുപോയത് രണ്ട് കെ.എസ്.ആർ.ടി.സി. ബസുകൾ; ജനപ്രതിനിധികളും നാട്ടുകാരും ബസിൽ

കോഴഞ്ചേരി പുതിയപാലം ഉദ്ഘാടനത്തിനുശേഷം ആദ്യ യാത്ര നടത്താൻ തയ്യാറായി നിൽക്കുന്ന കെ.എസ്.ആർ.ടി.സി. ബസുകൾ
കോഴഞ്ചേരി പുതിയപാലം ഉദ്ഘാടനത്തിനുശേഷം ആദ്യ യാത്ര നടത്താൻ തയ്യാറായി നിൽക്കുന്ന കെ.എസ്.ആർ.ടി.സി. ബസുകൾ

മാരാമൺ:  പുതിയ പാലത്തിന്റെ ഉദ്ഘാടനത്തിന് പിന്നാലെ പാലത്തിലൂടെ ആദ്യമായി കടന്നുപോയത് റാന്നി- തിരുവനന്തപുരം ഫാസ്റ്റ് പാസഞ്ചർ ആർപിസി 116 ബസ്. ചെറുകോൽപ്പുഴ- കുറിയന്നൂർ- ചിറയിറമ്പ്- കോഴഞ്ചേരി- ആറന്മുള വഴി സർവീസ് നടത്തുന്ന ഈ ബസ് പുതിയ പാലത്തിലൂടെ കടന്നുപോയത് ചരിത്രനിമിഷമായി.  മന്ത്രി പി.കെ. ബഷീർ, ആന്റോ ആന്റണി എം.പി., അബിൻ വർക്കി എം.എൽ.എ., കോഴഞ്ചേരി പഞ്ചായത്ത് പ്രസിഡന്റ് ജോമോൻ പുതുപ്പറമ്പിൽ,തോട്ടപ്പുഴശ്ശേരി പഞ്ചായത്ത് പ്രസിഡന്റ് എൽസി ക്രിസ്റ്റഫർ, ജില്ലാകളക്ടർ എ. നിസാമുദ്ദീൻ തുടങ്ങി വിവിധ ജനപ്രതിനിധികളും ഉദ്യോഗസ്ഥരും ആദ്യ ബസിൽ യാത്രചെയ്തു.  തുടർന്ന് രണ്ടാമത്തെ ബസിൽ നാട്ടുകാരും പുതിയ പാലത്തിലൂടെ യാത്രചെയ്തു.

പത്തനംതിട്ട ഡി.ടി.ഒ. അജീഷ് കുമാർ നേരിട്ട് സ്ഥലത്ത് ക്യാമ്പ് ചെയ്ത് ബസുകളുടെ ക്രമീകരണങ്ങൾക്ക് നേതൃത്വം നൽകി.  കോഴഞ്ചേരി പുതിയപാലത്തിലൂടെയുള്ള ആദ്യ ബസ് യാത്ര എന്ന ചരിത്രനിമിഷത്തിന് സാക്ഷിയാകാൻ കഴിഞ്ഞത് നാട്ടുകാർക്കും യാത്രക്കാർക്കും ഒരുപോലെ ആവേശം പകർന്നു.

Content Highlights: New Maramon bridge inaugurated with a historic first bus journey, Ranni-Thiruvananthapuram Fast Passenger RPC 116 was the first bus to cross, Dignitaries including ministers and local representatives participated in the inaugural ride, Locals and passengers joined subsequent buses to celebrate the milestone