രാഹുല് മാങ്കൂട്ടത്തില് ഡല്ഹിയിലും പെണ്കുട്ടികളെ ശല്യം ചെയ്തിരുന്നു; ആരോപണവുമായി ആനി രാജ
ന്യൂഡല്ഹി: പാലക്കാട് എംഎല്എ രാഹുല് മാങ്കൂട്ടത്തില് ഡല്ഹിയില് പഠിച്ചിരുന്ന കാലത്തും പെണ്കുട്ടികളെ ശല്യം ചെയ്തിരുന്നെന്ന് ആരോപണവുമായി ദേശീയ മഹിളാ ഫെഡറേഷന് നേതാവ് ആനി രാജ. ഡല്ഹിയിലെ പഠനകാലത്ത് രാഹുലിനെതിരേ പരാതികള് ഉയര്ന്നിരുന്നു.
ഇപ്പോള് പുറത്തുവരുന്ന വെളിപ്പെടുത്തലുകള്ക്ക് സമാനമായ രീതിയില് പല പെണ്കുട്ടികളെയും അന്ന് ഇയാള് സമീപിച്ചിരുന്നു. കോളേജുകളിലെയും സര്വകലാശാലകളിലെയും ആക്ടിവിസ്റ്റുകളായ പെണ്കുട്ടികളെ സമീപിക്കാന് ശ്രമിച്ചു. അവരൊക്കെയും യഥാസമയം തക്കമറുപടികൊടുത്ത് രാഹുലിനെ മടക്കിയെന്നും ആനി രാജ പറഞ്ഞു.
എംഎല്എ സ്ഥാനത്തുതുടരാന് രാഹുലിന് ധാര്മികമായി അര്ഹതയില്ല. കോണ്ഗ്രസ് രാഹുലിന്റെ രാജി ആവശ്യപ്പെടണം. ഇത്തരം ആളുകള്ക്കെതിരേ ഏതുപാര്ട്ടിയാണെങ്കിലും മുഖംനോക്കാതെ നടപടി എടുക്കണം.
രാഷ്ട്രീയവിശ്വാസ്യതയ്ക്ക് മുന്നണിയെന്നോ രാഷ്ട്രീയപ്പാര്ട്ടികളെന്നോ വ്യത്യാസമില്ലെന്നും ആനി രാജ പറഞ്ഞു. ഡല്ഹി സെയ്ന്റ് സ്റ്റീഫന്സ് കോളേജില് പഠിച്ചാണ് രാഹുല് ചരിത്രത്തില് ബിരുദാനന്തരബിരുദം നേടിയത്.
Content Highlights: Allegations of Harassment Against Kerala MLA Rahul Mamkoottathil Surface from Delhi College Days