സൽമാൻ ഖാൻ ബിഗ് ബോസിൽനിന്ന് അവധിയെടുക്കുന്നു; പകരം രോഹിത് ഷെട്ടി

ബിഗ് ബോസ് സീസൺ 20-ന്റെ വരാനിരിക്കുന്ന 'വീക്കെൻഡ് കാ വാർ' എപ്പിസോഡുകളിൽ അവതാരകനായി ബോളിവുഡ് താരം സൽമാൻ ഖാൻ എത്തില്ല. അടുത്ത ആഴ്ചയിലെ എപ്പിസോഡുകളിൽ സൽമാന് പകരം രോഹിത് ഷെട്ടി അവതാരകന്റെ ചുമതല ഏറ്റെടുക്കും. ഞായറാഴ്ച സംപ്രേഷണം ചെയ്ത എപ്പിസോഡിൽ സൽമാൻ ഖാൻതന്നെ മത്സരാർഥികളെ വിവരം അറിയിച്ചു.

മറ്റ് ഔദ്യോഗിക തിരക്കുകൾ ഉള്ളതിനാലാണ് സൽമാൻ ഖാൻ വരാനിരിക്കുന്ന 'വീക്കെൻഡ് കാ വാർ' എപ്പിസോഡിൽനിന്ന് മാറിനിൽക്കുന്നതെന്നാണ് റിപ്പോർട്ടുകൾ. അടുത്ത ആഴ്ച താൻ ഉണ്ടാകില്ലെന്നും പകരം രോഹിത് ഷെട്ടി എപ്പിസോഡുകൾ നയിക്കുമെന്നും സൽമാൻ ഹൗസ്‌മേറ്റ്‌സിനോട് വ്യക്തമാക്കുകയായിരുന്നു.

റിയാലിറ്റി ഷോ അവതാരകനായി രോഹിത് ഷെട്ടി മുൻപും തിളങ്ങിയിട്ടുണ്ട്. 'സിംഗം', 'സിംബ', 'ചെന്നൈ എക്‌സ്പ്രസ്' തുടങ്ങിയ ഹിറ്റ് ചിത്രങ്ങൾ സംവിധാനം ചെയ്ത അദ്ദേഹം 'ഖത്രോം കേ ഖിലാഡി' എന്ന പ്രശസ്ത റിയാലിറ്റി ഷോയുടെ സീസണുകൾ അവതരിപ്പിച്ചിട്ടുണ്ട്.

അതേസമയം, നടൻ ടൈഗർ ഷ്‌റോഫിന് നേരെ കഴിഞ്ഞ ദിവസം മുംബൈയിൽവച്ചുണ്ടായ വെടിവെപ്പിന് പിന്നാലെ സൽമാൻ ഖാന്റെ മുംബൈയിലെ വസതിക്ക് മുന്നിലും സുരക്ഷ ശക്തമാക്കിയിട്ടുണ്ട്. ലോറൻസ് ബിഷ്‌ണോയി ഗാങ്ങുമായി ബന്ധമുള്ളവരെന്ന്‌ അവകാശപ്പെടുന്നവർ സോഷ്യൽ മീഡിയയിലൂടെ ടൈഗർ ഷ്‌റോഫിന് നേരെയുണ്ടായ ആക്രമണത്തിന്റെ ഉത്തരവാദിത്തം ഏറ്റെടുത്തിരുന്നു. സൽമാൻ ഖാനുമായി സഹകരിച്ച് പ്രവർത്തിക്കുന്നവർക്കെതിരെ ഇവർ ഭീഷണി മുഴക്കുകയും ചെയ്തിരുന്നു.

Content Highlights: Salman Khan will skip the upcoming 'Weekend Ka Vaar' episodes of Bigg Boss due to official commitments. Director Rohit Shetty will step in as the host for the upcoming week's episodes. Salman Khan personally informed the housemates about his brief break during Sunday's episode. Rohit Shetty previously gained hosting experience through multiple seasons of 'Khatron Ke Khiladi'. Security at Salman Khan's Mumbai residence was recently beefed up following threats linked to the Lawrence Bishnoi gang.