ചുണ്ടിൽ റോസാപ്പൂ, കയ്യിൽ തോക്ക്; KING-ന്റെ പുതിയ തീപ്പൊരി പോസ്റ്റർ പുറത്തുവിട്ട് ഷാരൂഖ് ഖാൻ

ആക്ഷനും തീവ്രതയും പ്രണയവും ഒത്തുചേരുന്ന KING സിനിമയുടെ പുതിയ പോസ്റ്റർ പുറത്ത്. ആരാധകരുടെ ആവേശം വർധിപ്പിച്ച് ഷാരൂഖ് ഖാനാണ് പോസ്റ്റർ പുറത്തുവിട്ടത്.

ചുണ്ടുകൾക്കിടയിൽ ഒരു റോസാപ്പൂവും കണ്ണുകളിൽ തീക്ഷ്ണമായ ഭാവവുമായി പ്രത്യക്ഷപ്പെടുന്ന താരത്തിന്റെ പുതിയ ലുക്ക്, ഏറെ പ്രതീക്ഷയോടെ കാത്തിരിക്കുന്ന ഈ ആക്ഷൻ എന്റർടെയ്‌നറിലെ അദ്ദേഹത്തിന്റെ കരുത്തുറ്റ കഥാപാത്രത്തിന്റെ സൂചന നൽകുന്നു.

KING സിനിമയുടെ മാസ് അപ്പീലും ഷാരൂഖ് ഖാന്റെ വേറിട്ട അവതാരവും വിളിച്ചോതുന്ന പുതിയ പോസ്റ്റർ, ബിഗ് സ്‌ക്രീനിൽ താരത്തെ ഈ പുതിയ ഭാവത്തിൽ കാണാനുള്ള ആരാധകരുടെ കാത്തിരിപ്പിന് ആവേശം പകരുന്നു.
 

സിദ്ധാർഥ് ആനന്ദ് സംവിധാനം ചെയ്യുന്ന ചിത്രം റെഡ് ചില്ലീസ് എന്റർടെയ്ൻമെന്റും മാർഫ്ലിക്സ് (Marflix) പിക്‌ചേഴ്‌സും ചേർന്നാണ് നിർമ്മിക്കുന്നത്. KING 2026 ഡിസംബർ 24-ന് ലോകമെമ്പാടുമുള്ള തിയേറ്ററുകളിലെത്തും. കേരള പി ആർ & മാർക്കറ്റിങ് - പപ്പറ്റ് മീഡിയ

Content Highlights: KING movie's new poster, featuring Shah Rukh Khan with a rose and intense look, excites fans. Directed by Siddharth Anand, it releases globally on December 24, 2026.