പ്രേക്ഷക നിരൂപക പ്രശംസകൾ നേടി 'ജോക്കി'; ചിത്രം തിയേറ്ററുകളിൽ തുടരുന്നു

കെടാ സണ്ടൈ കേന്ദ്രീകരിച്ച് മധുരയിൽ ചിത്രീകരിച്ച ‘ജോക്കി’ ചിത്രം പ്രേക്ഷക നിരൂപക പ്രശംസകൾ നേടി മുന്നേറുന്നു. കഴിഞ്ഞ ദിവസം കൊച്ചിയിൽ നടന്ന പ്രസ്സ് മീറ്റിലും അനുബന്ധ പരിപാടികളിലും ചിത്രത്തിലെ കേന്ദ്ര  കഥാപാത്രങ്ങളെ അവതരിപ്പിച്ച അമ്മു അഭിരാമി, യുവൻ കൃഷ്ണ, റിദാൻ കൃഷ്ണദാസ്, ഡയറക്ടർ ഡോ. പ്രഗാഭാൽ, മ്യൂസിക് ഡയറക്ടർ ശക്തി ബാലാജി, ക്രിയേറ്റിവ് പ്രൊഡ്യൂസർ ആർ.പി. ബാല എന്നിവർ പങ്കെടുത്തു.

ചിത്രം റിലീസ് ചെയ്ത തമിഴ്‌നാട്ടിലും കർണാടകയിലും കേരളത്തിലും മികച്ച അഭിപ്രായം നേടി കൂടുതൽ തിയേറ്ററുകളിലേക്കെത്തുകയാണ് ജോക്കി.

പി.കെ. സെവൻ സ്റ്റുഡിയോസാണ് ജോക്കിയുടെ നിർമാണം. സംവിധാനം ഡോ. പ്രഗഭാൽ നിർവഹിക്കുന്നു. മധുരൈയുടെ നാട്ടിൻപുറസംസ്‌കാരവും മനുഷ്യരുടെ ജീവിതവും പ്രതിഫലിപ്പിക്കുന്ന രീതിയിൽ, പരമ്പരാഗതമായ ആട് പോരാട്ടം (കെഡ സണ്ടൈ) എന്ന സാംസ്‌കാരിക കായിക ഇനത്തെ കേന്ദ്രീകരിച്ചാണ് ചിത്രത്തിന്റെ കഥ വികസിക്കുന്നത്.

യുവൻ കൃഷ്ണ, റിദാൻ കൃഷ്ണാസ് എന്നിവർ നായക കഥാപാത്രങ്ങളാകുന്ന ചിത്രത്തിൽ അമ്മു അഭിരാമി നായികയാകുന്നു. മഡിയിൽ ശ്രദ്ധേയ പ്രകടനം കാഴ്ചവച്ച യുവാൻ കൃഷ്ണയും റിദാൻ കൃഷ്ണാസും വീണ്ടും സംവിധായകൻ ഡോ. പ്രഗഭാലിനൊപ്പം കൈകോർക്കുന്നു. ഇതിന് പുറമെ നിരവധി പ്രമുഖ അഭിനേതാക്കളും ചിത്രത്തിലെ മറ്റു പ്രധാന വേഷങ്ങളിൽ അണിനിരക്കുന്നു. വള്ളുവനാടൻ സിനിമാ കമ്പനിയാണ് ചിത്രം കേരളത്തിലെ തിയേറ്ററുകളിലേക്കെത്തിക്കുന്നത്.

ശക്തി ബാലാജിയാണ് ജോക്കി ചിത്രത്തിന്റെ സംഗീത സംവിധാനം നിർവഹിക്കുന്നത്. ഛായാഗ്രഹണം ഉദയകുമാറും എഡിറ്റിങ് ശ്രീകാന്തും നിർവഹിക്കുന്നു. ക്രിയേറ്റീവ് പ്രൊഡ്യൂസറായി ആർ.പി. ബാലയും, പ്രൊഡക്ഷൻ കൺട്രോളറായി എസ്. ശിവകുമാറും പ്രവർത്തിക്കുന്നു. കലാസംവിധാനം: സി. ഉദയകുമാർ, ഓഡിയോഗ്രാഫി: എം.ആർ. രാജകൃഷ്ണൻ, സ്റ്റണ്ട് കൊറിയോഗ്രഫി: ജാക്കി പ്രഭു, വസ്ത്രാലങ്കാരം: ജോഷ്വ മാക്‌സ്വെൽ ജെ, മേക്കപ്പ്: പാണ്ട്യരാജൻ, കളറിസ്റ്റ്: രംഗ, പിആർഒ: പ്രതീഷ് ശേഖർ എന്നിവരാണ് മറ്റ് പ്രധാന അണിയറ പ്രവർത്തകർ. 

Content Highlights: Experience the critically acclaimed `jockey,` a film celebrating rural Tamil culture and the traditional sport of `Keda Sandai.`