ചെമ്പന്‍ വിനോദും ശ്രീനാഥ് ഭാസിയും മുഖ്യ വേഷങ്ങളില്‍; 'ഇടി മഴ കാറ്റ്' ടീസര്‍
ചെമ്പന്‍ വിനോദ് ജോസ്, ശ്രീനാഥ് ഭാസി, സുധി കോപ്പ, സെന്തില്‍ കൃഷ്ണ എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്ന അമ്പിളി എസ് രംഗന്‍ ചിത്രം 'ഇടി മഴ കാറ്റ്'ന്റെ ടീസര്‍ അണിയറ പ്രവര്‍ത്തകര്‍ പുറത്തുവിട്ടു. സാധാരണക്കാരുടെ വേഷത്തില്‍ താരങ്ങള്‍ പ്രത്യക്ഷപ്പെട്ട ടീസര്‍ കഥാപാത്രങ്ങളുടെ മാനസികനില വെളിപ്പെടുത്തുന്ന വിധമാണ് ഒരുക്കിയിരിക്കുന്നത്. ജിഷ്ണു പുന്നകുളങ്ങര, സരീഗ് ബാലഗോപാലന്‍, ധനേഷ് കൃഷ്ണന്‍, ജലീല്‍, സുരേഷ് വി, ഖലീല്‍ ഇസ്‌മെയില്‍ എന്നിവര്‍ ചേര്‍ന്ന് നിര്‍മ്മാണം വഹിക്കുന്ന ചിത്രത്തിന്റെ കഥയും സംഭാഷണവും അമല്‍ പിരപ്പന്‍കോടും തിരക്കഥ അമലും അമ്പിളി എസ് രംഗനും ചേര്‍ന്നാണ് തയ്യാറാക്കിയത്.
ചിത്രത്തിലെ മറ്റ് സുപ്രധാന വേഷങ്ങള്‍ ശരണ്‍ ജിത്ത്, പ്രിയംവദ കൃഷ്ണന്‍, പൂജ ദേബ് എന്നിവരാണ് കൈകാര്യം ചെയ്യുന്നത്. കേരളം-ബംഗാള്‍ പശ്ചാത്തലത്തിലാണ് കഥ നടക്കുന്നത്. പാലക്കാട്ടുകാരനായ പെരുമാള്‍ എന്ന കഥാപാത്രമായ് ചെമ്പന്‍ വിനോദ് എത്തുമ്പോള്‍ തിരുവനന്തപുരത്തെ ട്യൂഷന്‍ അധ്യാപകന്‍ അജിത്തിനെയാണ് ശ്രീനാഥ് ഭാസി അവതരിപ്പിക്കുന്നത്. സമാധാനത്തിന് വേണ്ടി വാദിച്ചിട്ടും തീവ്രവാദിയെന്ന് മുദ്രകുത്തപ്പെട്ടതിനാല്‍ പട്ടാളത്തില്‍ നിന്ന് പുറത്താക്കപ്പെട്ട മലപ്പുറം സ്വദേശി ഡേവിഡായാണ് സുധി കോപ്പ ഇത്തവണ എത്തുന്നത്.
എക്‌സിക്യൂട്ടീവ് പ്രൊഡ്യുസേര്‍സ്: കിരണ്‍ കൃഷ്ണ എന്‍, ഗൗതം മോഹന്‍ദാസ്, ഛായാഗ്രഹണം: നീല്‍ ഡി'കുഞ്ഞ, ചിത്രസംയോജനം: മനോജ്, സൗണ്ട് ഡിസൈന്‍: ജയദേവന്‍ ചക്കാടത്ത്, ഷമീര്‍ അഹമ്മദ്, റീ റെക്കോഡിം മിക്‌സര്‍: ജിതിന്‍ ജോസഫ്, ഗാനരചന&സംഗീതം: ഗൗരി ലക്ഷ്മി, പശ്ചാത്തലസംഗീതം: ഗൗരി ലക്ഷ്മി&ഗണേഷ് വി, പ്രൊജക്ട് ഡിസൈനര്‍: ജിഷ്ണു സി എം, ചീഫ് അസോസിയേറ്റ് ഡയറക്ടര്‍: രതീഷ് പാലോട്, കലാസംവിധാനം: ജയന്‍ ക്രയോണ്‍, മേക്കപ്പ്: ആര്‍ ജി വയനാടന്‍, വസ്ത്രാലങ്കാരം: രതീഷ് ചമ്രവട്ടം, പ്രൊഡക്ഷന്‍ കണ്‍ട്രോളര്‍: സക്കീര്‍ ഹുസൈന്‍, ഫിനാന്‍സ് മാനേജര്‍: വിനീത് വിജയന്‍, വി എഫ് എക്‌സ്: അജിത്ത് ബാലന്‍, കളറിസ്റ്റ്: ശ്രീക് വാര്യര്‍, പ്രൊമോഷന്‍ കണ്‍സല്‍ട്ടന്റ്: അമല്‍ സി ബേബി, പിആര്‍ഒ: ജിതിന്‍ അനില്‍കുമാര്‍, മാര്‍ക്കറ്റിംഗ്: തിങ്ക് സിനിമ, സ്റ്റില്‍സ്: സതീഷ് മേനോന്‍, പോസ്റ്റര്‍ ഡിസൈന്‍: ഡ്രിപ്പ്വേവ് കളക്ടീവ്, ടീസര്‍&ട്രെയിലര്‍ കട്ട്: കണ്ണന്‍ മോഹന്‍.
Content Highlights: idi mazha kaattu movie teaser