ലൈംഗികാതിക്രമക്കേസ്: രഞ്ജിത്തിനുവേണ്ടി ഹാജരായത് സിനിമയിലെ ICC അംഗം, അറിഞ്ഞില്ലെന്ന് കുക്കു പരമേശ്വരൻ

കൊച്ചി: അറസ്റ്റിലായ സംവിധായകൻ രഞ്ജിത്തിനു വേണ്ടി ഹാജരായത് സിനിമയിലെ ആഭ്യന്തര പരാതി പരിഹാര സമിതി അംഗമാണെന്ന് അറിഞ്ഞില്ലെന്ന് താരസംഘടനയായ അമ്മ ജനറൽ സെക്രട്ടറി കുക്കു പരമേശ്വരൻ.

യുവനടിക്ക് നേരെയുണ്ടായ ആക്രമണത്തിൽ നീതിന്യായ വ്യവസ്ഥയിൽ വിശ്വസിച്ച് മുന്നോട്ടുപോകാനാണ് താത്പര്യം. വിഷയം ഗൗരവത്തിൽതന്നെയാണ് സംഘടന പരിഗണിക്കുന്നത്. തൊഴിലിടങ്ങളിൽ സ്ത്രീകൾക്ക് പൂർണമായ സുരക്ഷിതത്വം വേണമെന്നാണ് അമ്മ വിശ്വസിക്കുന്നതെന്നും കുക്കു പരമേശ്വരൻ പറഞ്ഞു.

ഐ.സി.സി. അംഗമായ അഡ്വ. മുഹമ്മദ് സിയാദാണ് രഞ്ജിത്തിനായി കോടതിയിൽ ഹാജരായത്. ഐ.സി.സി.യിൽനിന്ന് കഴിഞ്ഞദിവസം രാജിവെച്ചെന്നാണ് സിയാദിന്റെ വിശദീകരണം. കുടുംബ സുഹൃത്തായതിനാലാണ് രഞ്ജിത്തിന്റെ വക്കാലത്ത് ഏറ്റെടുത്തതെന്നും അദ്ദേഹം പറഞ്ഞു.

Content Highlights: AMMA General Secretary denies prior knowledge of the ICC lawyer's involvement in Ranjith's defense., Reiteration of the organization's commitment to women's safety in the workplace., Advocate Muhammad Siyad claims resignation from ICC before taking the case., Emphasis on trusting the 2026 legal process regarding the actress assault case.