കയ്യെത്തും ദൂരെ വന്നുനിന്ന് മോഹിപ്പിച്ചു കടന്നുകളഞ്ഞ 'സ്വപ്നസുന്ദരി'യെ പ്രേംപ്രകാശ് എങ്ങനെ മറക്കാൻ?

മെലഡിയുടെ സുഗന്ധമുള്ള ഒരു പാട്ടായിരുന്നു ആ സുന്ദരി. മലയാളത്തിലെ എക്കാലത്തെയും സൂപ്പർ ഹിറ്റ് ഗാനങ്ങളിൽ ഒന്ന്; എം കൃഷ്ണൻ നായർ സംവിധാനം ചെയ്ത 'കാർത്തിക'യിൽ യൂസഫലി കേച്ചരി ബാബുരാജ് കൂട്ടുകെട്ടിന് വേണ്ടി യേശുദാസ് പാടിയ 'പാവാടപ്രായത്തിൽ നിന്നെ ഞാൻ കണ്ടപ്പോൾ താമരമൊട്ടായിരുന്നു നീ...' ചെന്നൈ സ്വാമീസ് ലോഡ്ജിലെ മുറിയിലിരുന്ന് ഹാർമോണിയത്തിന്റെ കട്ടകളിലൂടെ ചടുലവേഗത്തിൽ വിരലോടിച്ച് ബാബുരാജ് ഈ ഗാനം ആദ്യം പാടിപ്പഠിപ്പിച്ചത് പ്രേംപ്രകാശിനെയാണ്.

ആറു പതിറ്റാണ്ടോളം പഴക്കമുള്ള ഓർമ്മ. ജ്യേഷ്ഠൻ ജോസ് പ്രകാശിനെ പിന്തുടർന്ന് സിനിമയിൽ ഭാഗ്യപരീക്ഷണത്തിനെത്തിയതായിരുന്നു പ്രേംപ്രകാശ്. പാട്ടുകാരനാകുകയാണ് ലക്ഷ്യം. 'സിനിമയിൽ പാടാനുള്ള എന്റെ മോഹമറിഞ്ഞു ജ്യേഷ്ഠൻ തന്നെയാണ് ചെന്നൈയിലേക്ക് ക്ഷണിച്ചത്. പ്രിയസുഹൃത്തായ ബാബുരാജിനെ പരിചയപ്പെടുത്തിയതും ചേട്ടൻ തന്നെ.''പ്രേംപ്രകാശ് ഓർക്കുന്നു. 'ആദ്യം രേവതി സ്റ്റുഡിയോയിൽ കൊണ്ടുപോയി ഒന്നുരണ്ട് പാട്ട് എന്നെ കൊണ്ട് മൈക്കിൽ പാടിച്ചുകേട്ടു ബാബുരാജ്. കൊള്ളാമെന്ന് തോന്നിയിരിക്കണം അദ്ദേഹത്തിന്. അങ്ങനെയാണ് സ്വാമീസ് ലോഡ്ജിൽ വെച്ച് കാർത്തികയിലെ പാട്ട് പഠിപ്പിച്ചത്.''

Content Highlights: Prem Prakash was the first to learn and perform the song Pavada Prayathil from the movie Karthika., Renowned music director Baburaj initially mentored Prem Prakash for playback singing., The song was eventually recorded by Yesudas due to producer preference., Prem Prakash transitioned into a successful actor and producer after his early singing aspirations., The article highlights the deep musical connection between Prem Prakash and legendary composers.