അറ്റാദായത്തില്‍ 80 ശതമാനം വിഹിതം: കുതിപ്പ് രേഖപ്പെടുത്താന്‍ ഈ കമ്പനികള്‍
ഇനി പ്രവര്‍ത്തന ഫലങ്ങളുടെ കാലം. കഴിഞ്ഞ സാമ്പത്തിക വര്‍ഷത്തെ അവസാന പാദത്തിലെ കണക്കുകള്‍ക്കായി പ്രതീക്ഷയോടെ കാത്തിരിക്കുകയാണ് നിക്ഷേപകര്‍. രണ്ട് പാദങ്ങളില്‍ അത്രതന്നെ മികച്ചതല്ലാത്ത ഫലങ്ങള്‍ പുറത്തുവിട്ട കമ്പനികളില്‍നിന്ന് താരതമ്യേന ഉയര്‍ന്ന വരുമാനമാണ് ഇത്തവണ പ്രതീക്ഷിക്കുന്നത്. ബാങ്ക്, ധനകാര്യ സേവനം, എഫ്എംസിജി, ഓട്ടോമൊബൈല്‍ എന്നീ മേഖലകളിലെ വന്‍കിട കമ്പനികളാകും മുന്നേറ്റത്തിന് നേതൃത്വം നല്‍കുക.
നിഫ്റ്റി 50 കമ്പനികളിലെ പ്രതീക്ഷിക്കുന്ന ആദായ വളര്‍ച്ച 15.6 ശതമാനമാണ്. നാലാം പാദത്തിലെ മൊത്തം അറ്റാദായം മുന്‍വര്‍ഷത്തെ 1.53 ലക്ഷം കോടി രൂപയില്‍നിന്ന് 1.77 ലക്ഷം കോടിയാകുമെന്ന് കണക്കുകൂട്ടുന്നു.
Content Highlights: 80 % share in net profit: These companies likely to report highly profitable