അഞ്ച് വര്‍ഷം, 30%ലേറെ റിട്ടേണ്‍: നേട്ടത്തില്‍ മുന്നില്‍ ഈ 30 ഫണ്ടുകള്‍

വീടെന്ന ലക്ഷ്യം മുന്നില്‍കണ്ട് അഞ്ചു വര്‍ഷം മുമ്പാണ് സജിത് കുമാര്‍ മ്യൂച്വല്‍ ഫണ്ടില്‍ നിക്ഷേപം തുടങ്ങിയത്. വിപണി തിരിച്ചടി നേരിട്ടപ്പോഴും കുതിപ്പ് നടത്തിയപ്പോഴും ലക്ഷ്യത്തില്‍ ഉറച്ചുനിന്ന് അദ്ദേഹം എസ്.ഐ.പി തുടര്‍ന്നു. നിക്ഷേപത്തിലെ നേട്ടം കണ്ട് കൂടെയുള്ളവരില്‍ പലരും അപ്പോഴത്തെ ആവശ്യങ്ങള്‍ക്കായി പണം പിന്‍വലിച്ചപ്പോഴും സജിത് കുമാര്‍ എസ്.ഐ.പി തുടര്‍ന്നു. ഇടക്കിടെയുണ്ടായ തകര്‍ച്ചകളില്‍നിന്ന് രക്ഷപ്പെടാനായിരുന്നു പലരും ലാഭമെടുപ്പ് നടത്തിയത്. ഏതായാലും നിക്ഷേപം തുടര്‍ന്ന സജിത് കുമാര്‍ വീട് വെക്കാനുള്ള തയ്യാറെടുപ്പ് തുടങ്ങിക്കഴിഞ്ഞു. പ്രതിമാസം 20,000 രൂപ വീതമുള്ള നിക്ഷേപം 30 ലക്ഷം രൂപയോളമായിരിക്കുന്നു. നിക്ഷേപിച്ച തുകയാകട്ടെ 12 ലക്ഷവും. ഈ കാലയളവില്‍ അദ്ദേഹത്തിന് ലഭിച്ച ശരാശരി നേട്ടം 38 ശതമാനത്തിലേറെയാണ്. 

ഓഹരി വിപണിയില്‍ ചാഞ്ചാട്ടം തുടരുമ്പോഴും നിക്ഷേപകര്‍ക്ക് മികച്ച നേട്ടം നല്‍കുന്നകാര്യത്തില്‍ മ്യൂച്വല്‍ ഫണ്ടുകള്‍ എന്നും ഒരു ചുവട് മുന്നിലാണ്. നിക്ഷേപ കാലയളവും റിസ്‌കും വിലയിരുത്തി യോജിച്ച ഫണ്ടുകള്‍ തിരഞ്ഞെടുക്കണമെന്നു മാത്രം. 2020ലെ മഹാമാരിക്കുശേഷം കിതപ്പും കുതിപ്പുമുണ്ടായി. നിരവധി നിക്ഷേപകരാണ് ഈ ചാഞ്ചാട്ടത്തിന്റെ നേട്ടം സ്വന്തമാക്കിയത്. വിവിധ കാറ്റഗറികളിലായി 30ലേറെ ഫണ്ടുകളാണ് അഞ്ച് വര്‍ഷക്കാലയളവില്‍ 30 ശതമാനത്തിലേറെ ആദായം നിക്ഷേപകന് നല്‍കിയത്. 

Content Highlights: 30 Funds Leading the Gains: Over 30% Return in Five Years Column by Dr. Antony C Davis