ഒറ്റക്കുത്തില്‍ ജീവന്‍പോയി: ഉറങ്ങിക്കിടക്കുമ്പോഴോ, അതോ അക്രമം ചെറുക്കുമ്പോഴോ? മേരിയുടെ മൗനം

1986 കാലഘട്ടത്തില്‍ ഏതാനും മാസക്കാലം പാലക്കാട് ക്രൈം ഡിറ്റാച്ച്‌മെന്റ് യൂണിറ്റില്‍ ഇന്‍സ്‌പെക്ടറായിട്ടായിരുന്നു എനിക്ക് നിയമനം. പാലക്കാട് ജില്ലയില്‍ റിപ്പോര്‍ട്ട് ചെയ്യപ്പെടുന്ന പ്രമാദമായ കൊലക്കേസുകളും മറ്റും അന്വേഷിക്കുന്നതിനുള്ള ഉത്തരവാദിത്വം ക്രൈം ഡിറ്റാച്ച്‌മെന്റിലെ ഉദ്യോഗസ്ഥര്‍ക്കായിരുന്നു. 1986 ജൂലൈ മാസത്തില്‍ വടക്കഞ്ചേരിക്കടുത്തുള്ള മംഗലം ഡാം എന്ന സ്ഥലത്ത് സണ്ണി എന്നയാള്‍ കൊല്ലപ്പെട്ടിരുന്നു. ആ കേസ്ഫയല്‍ ഞങ്ങള്‍ ഓപ്പണ്‍ ചെയ്തു. ലോക്കല്‍ പോലീസ് ഇന്‍സ്‌പെക്ടറുടെ അന്വേഷണത്തിലുള്ള അപാകതകള്‍ ചൂണ്ടികാണിച്ചുകൊണ്ട് മേലുദ്യോഗസ്ഥര്‍ക്ക് സണ്ണിയുടെ ബന്ധുക്കള്‍ നല്‍കിയ പരാതിയുടെ അടിസ്ഥാനത്തിലാണ് ഈ കൊലക്കേസ് എന്റെ മേശപ്പുറത്തെത്തുന്നത്.

16.07.1986- ലാണ് ഈ കേസന്വേഷണത്തിന്റെ ചുമതല ഞാന്‍ ഏറ്റെടുക്കുന്നത്. അന്നത്തെ ഡി.വൈ.എസ്.പി ആയിരുന്ന അനിരുദ്ധന്‍ സാറിനായിരുന്നു കേസന്വേഷണത്തിന്റെ മേല്‍നോട്ടം. 

Content Highlights: open file column by george arakkal rtd sp of kerala police service story murder cases