എലാറ കഥകളെല്ലാം പൂർത്തിയാക്കും | മേതില്‍ | ആത്മകഥ ആവാതെ ഞാന്‍ 14
മുഖ്യ കഥാപാത്രം ഒരു കിണറില്‍ /നീന്തല്‍ത്തടാകത്തില്‍ മുങ്ങിച്ചാവുന്നൊരു കഥ പൂര്‍ത്തിയാക്കാന്‍ എലാറ എന്ന ചെറുപ്പക്കാരിക്ക് കഴിയുമോ? ഒരു വന്‍കിട ചോദ്യമാണിത്. സ്വന്തം ജീവിതത്തിലൂടെ എലാറ നല്‍കുന്ന ഉത്തരം ഒരു സര്‍വേയിലൂടെയാണ് എനിക്ക് കിട്ടിയത്.
എലാറയുടെ ഏറ്റവും വലിയ ഭയമെന്ത്? അന്ത്യം. കഥകളുടെ അന്ത്യം. എലാറയെ സന്ദര്‍ശിച്ചവര്‍ പറയുന്നു, ഇത്രയും കഥകള്‍ (കയ്യെഴുത്തുപ്രതികള്‍) പൂര്‍ത്തിയാകാതെ കിടക്കുന്ന കാഴ്ച വേറൊരിടത്തും കാണില്ല. എലാറ ഒരു കഥ എഴുതാന്‍ തുടങ്ങുന്നു; കഥ വികസിക്കുമ്പോള്‍, വായനക്കാര്‍ കഥയുടെ അന്ത്യത്തോട് എങ്ങനെ പ്രതികരിക്കുമെന്ന ചിന്തയില്‍ അന്തിച്ച് നില്‍ക്കുന്നു. കഥ നിലയ്ക്കുന്നു. കടലാസുകള്‍ മാറ്റിവെച്ച്, എലാറ പുതിയൊരു കഥ എഴുതാന്‍ തുടങ്ങുന്നു... തഥൈവ! ഈ ചെറുപ്പക്കാരി എവിടെ എത്തും!
Content Highlights: Maythil, Athmakadha Avathe Njan, Mathrubhumi Column