നാസി ക്രൂരതകളുടെ ഭീകരത തുറന്നുകാട്ടിയ, യുദ്ധപത്രപ്രവർത്തനത്തിന് പുതിയ മാനം നൽകിയ മാർത്ത എലിസ് ഗെൽഹോൺ

ഏകദേശം അറുപത് വർഷക്കാലം നീണ്ടുനിന്ന തന്റെ പത്രപ്രവർത്തന ജീവിത കാലത്ത് ലോകത്ത് നടന്ന പ്രധാന യുദ്ധങ്ങളും സംഘർഷങ്ങളുമെല്ലാം നേരിട്ടു റിപ്പോർട്ട് ചെയ്തിട്ടുള്ള മാർത്ത എലിസ് ഗെൽഹോൺ (1908-1998) യുദ്ധകാര്യ ലേഖികമാരിൽ പ്രധാനിയാണ്. രാഷ്ട്രീയവും സൈനികവുമായ കാര്യങ്ങൾക്കപ്പുറത്ത്, യുദ്ധത്തിന്റെ ഇരകളായിത്തീർന്ന സാധാരണ മനുഷ്യരുടെ ദുരിതങ്ങൾ ലോകത്തിന് മുന്നിലെത്തിച്ചതിലൂടെയാണ് അവർ വ്യത്യസ്തയായത്. ധൈര്യവും സത്യസന്ധതയും മാനവികതാബോധവും നിറഞ്ഞ മാർത്തയുടെ റിപ്പോർട്ടുകൾ യുദ്ധപത്രപ്രവർത്തനത്തിന് പുതിയൊരു മാനം തന്നെ നൽകി. 

നോവലിസ്റ്റ്, യാത്രാവിവരണ എഴുത്തുകാരി എന്ന നിലകളിലും ഈ അമേരിക്കൻ പത്രപ്രവർത്തക പ്രശസ്തയാണ്. സെന്റ് ലൂയിസിലെ ജോൺ ബറോസ്സ് സ്കൂളിൽനിന്ന് പഠനം പൂർത്തിയാക്കിയ മാർത്ത ഗെൽഹോൺ ബിരുദ പഠനത്തിന് ഫിലഡൽഫിയയ്ക്കു സമീപമുള്ള ബ്രിൻ മോർ കോളേജിൽ ചേർന്നു. എന്നാൽ, പത്രപ്രവർത്തകയാകണമെന്ന മോഹം കാരണം ബിരുദം പൂർത്തിയാക്കാതെ കോളേജ് വിട്ടു. മാർത്തയുടെ ആദ്യ ലേഖനങ്ങൾ ദ ന്യൂ റിപ്പബ്ലിക് മാസികയിലാണ് പ്രസിദ്ധീകരിക്കപ്പെട്ടത്.

Content Highlights: Martha Gellhorn: The Courageous Legacy of a Legendary War Correspondent