ജെൻസികളെല്ലാം കുഴപ്പക്കാരാണോ? അതോ അവരെ വിലയിരുത്തുന്നവരോ? ശരിക്കും ജെൻസി കൈവിട്ടുപോയോ?

ഞങ്ങളുടെ കാലത്ത് പിള്ളേരെക്കുറിച്ച് വലിയ പരാതിയൊന്നുമുണ്ടായിരുന്നില്ല. കാരണം അന്നത്തെ പിള്ളേരുടെ തെറ്റുകൾ പെരുപ്പിച്ച് കാട്ടാൻ ഇന്റർനെറ്റോ സോഷ്യൽ മീഡിയയോ ഇല്ലായിരുന്നു. ഇന്നത്തെ കുട്ടി ഒരു തെറ്റ് ചെയ്താൽ വീഡിയോ എടുക്കാം. വീഡിയോ റീൽ ആക്കാം. റീൽ വൈറലാക്കാം. പിന്നെ നാലുപേർക്ക് കൂടിയിരുന്ന് ചർച്ച ചെയ്യാം. അഞ്ചാമൻ ഒരു തീരുമാനം പറയും:'ഈ ജെൻസികൾ കൈവിട്ടു പോയി!'എന്തിനാണ് പോയതെന്ന് ചോദിച്ചാൽ ആർക്കും അറിയില്ല.

ഒരു പയ്യൻ രാത്രി രണ്ട് മണിവരെ മൊബൈൽ നോക്കി.
ജെൻസി കൈവിട്ടു പോയി.
ഒരു പെൺകുട്ടി അച്ഛനോട് 'എനിക്ക് എന്റെ തീരുമാനമെടുക്കണം' എന്നു പറഞ്ഞു.
ജെൻസി കൈവിട്ടുപോയി.
ഒരു കുട്ടി ജോലി മാറി.
ജെൻസി കൈവിട്ടു പോയി.
ഒരു കുട്ടി കല്യാണം കഴിക്കാൻ വൈകി.
ജെൻസി കൈവിട്ടു പോയി.
ഒരാൾ കല്യാണം കഴിക്കാനേ തയ്യാറായില്ല.
ജെൻസി കൈവിട്ടു പോയി പോയി!
ഇത്രയും തവണ പോയിട്ടും ജെൻസി എവിടേക്കാണ് പോകുന്നതെന്ന് ആരും അന്വേഷിക്കുന്നില്ല.

Content Highlights: Generalizing an entire generation based on viral videos or isolated incidents is unfair., Parenting styles significantly influence the behavior, impatience, and coping mechanisms of Gen Z., Gen Z expresses themselves differently through digital platforms compared to older generations., The younger generation values mental peace, independence, and questioning outdated norms over blind obedience.