ചായയ്ക്കൊപ്പം കഴിക്കാൻ ചീര-ഉരുളക്കിഴങ്ങ് പക്കോട ഉണ്ടാക്കിയാലോ?

ആവശ്യമായ സാധനങ്ങൾ:
ഉരുളക്കിഴങ്ങ് (തൊലി കളഞ്ഞ് കട്ടി കുറഞ്ഞ ചെറിയ കഷണങ്ങളാക്കി മുറിച്ചത്) : രണ്ടുകപ്പ്

ചീരയില (നുറുക്കിയത്) : രണ്ടുകപ്പ്

പച്ചമുളക് അരിഞ്ഞത് : ഒരു ടേബിൾസ്പൂൺ

കടലമാവ് : ഒരു കപ്പ്

അരിപ്പൊടി : രണ്ട് ടേബിൾസ്പൂൺ

മുളക് പൊടി / ജീരകം : ഒരു ടീസ്പൂൺ

കായം : ഒരു നുള്ള്

ഉപ്പ്, വെള്ളം, വെളിച്ചെണ്ണ : ആവശ്യത്തിന്

തയ്യാറാക്കുന്ന വിധം:
വെളിച്ചെണ്ണ ഒഴികെയുള്ള ചേരുവകൾ ഒരുപാത്രത്തിലിട്ട് നന്നായി ഇളക്കി യോജിപ്പിക്കണം. വെള്ളം കൂടിപ്പോകാതെ ശ്രദ്ധിക്കണേ.

ഒരു പാനിൽ എണ്ണ തിളപ്പിച്ച് ഈ കൂട്ടിൽ നിന്ന് ഓരോ നുള്ള് വീതം കോരിയിട്ട് വറുത്തെടുത്തോളൂ. ഉരുളക്കിഴങ്ങ്-ചീര പക്കോട തയ്യാർ.

Content Highlights: Combines healthy spinach and potatoes for a tasty snack, Easy and quick recipe perfect for evening tea.