ഓണത്തിന് ഈന്തപ്പഴം കൊണ്ട് രസികൻ പായസം തയ്യാറാക്കിയാലോ?

ആവശ്യമായ സാധനങ്ങൾ
ഈന്തപ്പഴം: ഒരു കപ്പ്

ഒന്നാംപാൽ: കാൽ കപ്പ്

രണ്ടാംപാൽ: ഒന്നരക്കപ്പ്

ഏലയ്ക്കാപ്പൊടി: ഒരു നുള്ള്

ശർക്കരപ്പാനി: ഒരു കപ്പ്

നെയ്യ്: ആവശ്യത്തിന്

അണ്ടിപ്പരിപ്പ്, ഉണക്കമുന്തിരി, തേങ്ങാക്കൊത്ത് : ആവശ്യത്തിന്

തയ്യാറാക്കുന്ന വിധം
കുരുകളഞ്ഞ ഈന്തപ്പഴം കുതിർത്ത് പേസ്റ്റുപോലെ അരച്ചെടുക്കുക.

ഒരു പാനിൽ നെയ്യൊഴിച്ച് അണ്ടിപ്പരിപ്പ്, ഉണക്കമുന്തിരി, തേങ്ങാക്കൊത്ത് എന്നിവ വഴറ്റി മാറ്റിവെക്കാം.

ഇതേ പാനിൽ നെയ്യൊഴിച്ച് അരച്ചെടുത്ത ഈന്തപ്പഴം വഴറ്റണം.

ഇതിലേക്ക് രണ്ടാംപാൽ ചേർത്ത് തിളപ്പിക്കാം.

ഈ കൂട്ട് ശർക്കരപ്പാനി ചേർത്ത് കുറുക്കിയെടുത്ത് ഏലയ്ക്കാപ്പൊടി എന്നിവ ചേർക്കാം.

തീ ഓഫ് ചെയ്ത ശേഷം ഒന്നാംപാൽ ചേർത്തിളക്കുക.

വഴറ്റിവച്ച അണ്ടിപ്പരിപ്പ്, ഉണക്കമുന്തിരി, തേങ്ങാക്കൊത്ത് എന്നിവ കൂടി ചേർത്താൽ രസികൻ ഈന്തപ്പഴം പായസം തയ്യാർ.

Content Highlights: Step-by-step guide to making Date Payasam for Onam, Simple ingredients including dates, coconut milk, and jaggery, Traditional Kerala dessert preparation method