മഴയത്തങ്ങനെ കുടയും ചൂടിപ്പോവുകയാണേ ഞാൻ...... കവിത വായിക്കാം

ചെല്ലക്കാറ്റിൽ നെറുക കുടഞ്ഞാ-

കുഞ്ഞിലയാകെ വിറച്ചേ;

കൂനിക്കൂനിപ്പോകുന്നുണ്ടേ

കൂനനൊരാന നനഞ്ഞേ.

കാറ്റും മഴയും സാറ്റു കളിക്കേ

തവളകൾ മീനുകൾ തുള്ളി;

മഴയത്തങ്ങനെ കുടയും ചൂടി

പ്പോവുകയാണേ ഞാനും.

കൂൺകുട ചൂടി വിറച്ചേ നിൽപ്പൂ

വണ്ടുകൾ, പുൽച്ചാടികളും;

മൂളിപ്പാട്ടും മൂളാതെങ്ങോ

മൂങ്ങകൾ പൊത്തിലൊളിച്ചേ! 

Content Highlights: Captures the playful interplay of wind and rain in nature.