ഒരു സി.ബി.ഐ. അന്വേഷണത്തിന്റെ കഥ; ക്ലിഫ്ഹൗസിലെ കൂടിക്കാഴ്ചയും കരുണാകരന്റെ ഡല്‍ഹി കോളും

1994 ഡിസംബര്‍ ഒന്നാം തീയതി വ്യാഴാഴ്ച. മുഖ്യമന്ത്രി കെ. കരുണാകരന് പതിവുപോലെ ഏറെ തിരക്കുള്ള ദിവസം. വൈകുന്നേരം ഔദ്യോഗിക വസതിയായ ക്ലിഫ് ഹൗസിലും ധാരാളം സന്ദര്‍ശകരുണ്ടായിരുന്നു. കേന്ദ്ര ഇന്റലിജന്‍സ് ബ്യൂറോ (ഐ.ബി.) ഉദ്യോഗസ്ഥര്‍ക്ക് കാണണമെന്ന അഭ്യര്‍ഥന വന്നപ്പോള്‍ കരുണാകരന്‍ ഒരു മടിയും കൂടാതെ സമ്മതിച്ചു. 

ഐ.ബി. തിരുവനന്തപുരം ഓഫീസിലെ ജോയിന്റ് ഡയറക്ടര്‍ മാത്യു ജോണും ഡെപ്യൂട്ടി ഡയറക്ടര്‍ ആര്‍.ബി. ശ്രീകുമാറും എത്തിയ പാടേ ക്ലിഫ് ഹൗസ് ജോലിക്കാര്‍ മുഖ്യമന്ത്രിയുടെ ഓഫീസിലേയ്ക്കാനയിച്ചു. പല മുഖ്യമന്ത്രിമാരുടെയും ഔദ്യോഗിക ചര്‍ച്ചകള്‍ക്കും സുഹൃത്‌സംഭാഷണങ്ങള്‍ക്കും സാക്ഷ്യം വഹിച്ചിട്ടുള്ള ക്ലിഫ് ഹൗസിലെ വിശാലമായ ഓഫീസ് മുറിയില്‍ രണ്ടുപേരും ഭവ്യതയോടെ ഇരുന്നു. ഇരുവരും മുതിര്‍ന്ന ഐ.പി.എസ്. ഉദ്യോഗസ്ഥര്‍.

Content Highlights: k karunakaran decision to handover isro case to cbi and the loss he suffered